2009年6月2日 星期二

好麵包......甜麵包.......鹹麵包

無意中看Yahoo! 新聞副刊, 見吳靄儀的三篇專欄, 哈哈, 原來妳也是同道中人......


http://hk.news.yahoo.com/supplement/column/detail.html?cid=margretng


--------------------------------------------------------------------------------------


1. 好麵包


香港廣東人最愛吃的麵包,第一要熱呼呼,第二要軟綿綿,第三要甜味重,永恒之愛是菠蘿包、雞尾包、叉燒餐包


------我覺得廣東人的血液裏仍是烙著熱騰騰的叉燒包, 雞球大包的味道.


吃麵包吃得有道行的人傾向認同「硬豬」一族。基本理念是返璞歸真:吃麵包要追求麵包本質的優美:麥子、酵母、水、鹽結合的天然特有的甘香


------哈哈, 正如我迷信pain de campagne吧, 從前最討厭吃的, 現在做得最多, 未必是有道行, 可能是我懶, 選配料簡單的做, 更可能是無牛油, 做得心安理得....... 我還未可以豁出去


--------------------------------------------------------------------------------------


2. 甜麵包


我的夢想,是做出一個好吃的甜麵包。.......像當年中環金獅餅店又輕又軟,滿溢著牛油和雞蛋香味的香甜牛油麵包。甜麵包之極品是法國的brioche


------問題是牛油, 當我未懂做麵包時, 牛角酥, 排包, 菠蘿包都是我的至愛, 直至我看見mixing bowl裏一塊塊的牛油!......


--------------------------------------------------------------------------------------


3. 鹹麵包


辦事處聘有打雜的小子,平日工作尚算勤快,大清早餓著肚子上班,風雨不改。本人連月試驗做麵包,樂在其中,某日,精心研製細麥麵包,麵團用手搓得幼滑,在室溫慢慢發酵,於是切了一半帶回辦事處與仝人分享


------哈哈, 小子的惡夢來了, 我做的包, 都是自作自受的.......不過作者做包的心情, 我倒是百分百有同感, 好一句"連月試做麵包, 樂在其中"!!


"粗麥麵包確是比較粗糲,像咀嚼百潔布!"


------哎, 小子太坦白了一點喔!!! 一語中的!


口味真是太不高貴了,而且一點也追不上潮流。我自己切了兩片,一片擱一塊甘腴美味的史刁頓藍乳酪,另一片則擱一小撮半乾鮮意大利小蕃茄,添一杯淡金色芳香冰鎮葡萄酒,簡直是天堂享受


------完全道出了愛包之人的心聲, 拿著自己做的包, 藍乳酪和葡萄酒都變了配角, 就像看著一件藝術品一樣........不知作者有沒有對著它大拍其照


 


18 則留言:

  1. 真想唔到!
    [版主回覆06/02/2009 21:09:00]簡直是千里他鄉遇故知的感覺

    回覆刪除
  2. 唉... 越睇d包包野, 就越想買KA....但又..
    [版主回覆06/03/2009 09:01:00]咁手搓住先, 慢慢妳就會作出決定了.

    回覆刪除
  3. 好同意"廣東人的血液裏仍是烙著熱騰騰的叉燒包, 雞球大包的味道.", 仍然好多人對包既口感都停留係依個感覺, 田園包.....仍要努力先可以打入佢地既心呀~~~ 
    對我黎講...齋包我最鍾意~~~  
    [版主回覆06/03/2009 09:00:00]其實呢, 叉包, 雞包, 菠蘿包, 我都喜歡的, 只是做了包, 便開始欣賞baguette, campagne, 裸麥包.......吃包多了quota有限, 只好少吃點甜肥的包了.
     
    和妳一樣, 齋包我最喜歡, 那麵粉的感覺, 餸呢, 少少夠了

    回覆刪除
  4. 你可以send個email給她, 約她得閒一齊做包!!
    [版主回覆06/03/2009 08:55:00]hehe, 好唐突的boh, 妳知啦..........怕生保的.
    寫個mail給她謝她的文章還可以

    回覆刪除
  5. 唔入世,點出世?....口味隨住人生經歷改變 。
    今日最想食原味的包,無論係粗糧,或幼白小麥粉造的,....
    [版主回覆06/03/2009 11:55:00]冇錯, 口味真係會變, 我變得越來越愛簡單和原味的材料, 不過麵包的愛好呢, 好可能係來自我小時候常吃的方包, 植入在記憶中, 挺愛那麵粉的感覺, 話時話, 再也找不回當日教堂派的麵粉的香味, 和媽媽嘗試亂做的橙味蒸蛋糕.........

    回覆刪除
  6. 只要係用心整嘅, 無論軟硬款款包都有過人之處, 都係好味嘅 ! 
    [版主回覆06/03/2009 14:03:00]我好用心整的呀!! 不過呢, 就唔敢講話好好味, 不過在過程中已得到很大的樂趣就真. 能夠空出半天整吓包的星期六日, 是最安樂的.

    回覆刪除
  7. 哈哈!一個麵包可以感受到做麵包者的心意, 同食麵包者的心態.
    咁我由始至終都係喜歡硬豬仔, 唔知我係咪一個'死硬派'.
     
    [版主回覆06/03/2009 22:24:00]妳是包道中人!
     
    我呢, 愛做和吃百潔布, 不過自家製的田園包, 放了兩天, 就一定要入焗爐才好吃了.

    回覆刪除
  8. 其實除了享受搓圓按扁的過程外, 我還愛那滿室的麵包香.
    [版主回覆06/03/2009 22:25:00]對對對, 焗緊包時, 我會關掉抽氣扇一段時間, 好讓包香氤氳, 太太會投訴, 好大味!!

    回覆刪除
  9. 我喜歡牛油味,牛油與吐司是最佳拍檔,
    而鹹牛油更是好味,想起都流口水 :p
    [版主回覆06/04/2009 19:45:00]我都喜歡牛油味呀, 不過好味和有益往往是死對頭
     
    牛油是眾多油類中第二有害的脂肪呀.......嚇吓妳先.
     

    回覆刪除
  10. Ha Ha, I like butter, I eat butter toast almost everyday!
    [版主回覆06/05/2009 10:40:00]I also like butter but don't dare to eat everyday. Indeed butter and jam is my favorite favor!!

    回覆刪除
  11. "最好的麵包,就是最有個性,最能把原材料本質發揮得淋漓盡致的麵包:出爐後要完全冷卻,才能露出真味,仔細咀嚼,就會領略到它的簡璞甘香,原來其味無窮。" 非常同意!天然酵母慢慢發酵出來的麵包,麥味最濃郁豐富,大小不一的氣孔也最有個性!少不了乾淨利落的造型和劃痕!
    [版主回覆06/05/2009 10:44:00]簡直是深有同感, 做一個齋麵包, 很簡單, 做得好, 卻不簡單. 香味, 質感, 做型, 劃痕.......它簡直像一個陶瓷藝術品
     

    回覆刪除
  12. 唔好意思呀....我想請教一下,點樣先知道啲酵母(新鮮酵母)有冇死呀?...我放咗喺冰格好多個月喇^^突然間又好想整包包....因為仲有好大舊喺喥,用得唔好side嘛
    [版主回覆06/05/2009 14:47:00]鮮酵母, 可能捱不了那麼久.........好易的, 拿少少麵粉, 開少少水, 放入少少鮮酵母攪勻, 室溫放半小時, 看看會不會脹大啦

    回覆刪除
  13. thanks!!!!即刻試吓先
    [版主回覆06/05/2009 18:29:00]好好好, 做好叫我看啦

    回覆刪除
  14. 我對此人無甚印像,但我竟然有佢一本散文,hehe因為其中幾篇談到她做包餅之事,發現在包餅的世界是另一個佢。
    [版主回覆06/07/2009 18:28:00]我都係年青時(!!)看過她的散文集, 對她的文筆和對生活的insight都欣賞, 她對社會理想的堅持都是值得欣賞的, 其他深入的認識就說不上了.......在amoon的小世界裏, 她就是一個包包迷就夠了

    回覆刪除
  15. 其實咁多種包入面我最鐘意歐陸包!最鐘意就係嗰種粗粗O既口感!!!
    反而我唔係咁鐘意食甜包...
    最記得試過買到食到油味O既墨西哥...勁反胃...但因為唔想浪費所以都食哂...
    但要買到好味O既歐陸包包好難...同埋貴過港式包包好多
    [版主回覆01/11/2010 07:55:00]我呢, 其實撇除高脂, 我兩種都喜歡, 歐包是真的日常生活吃的, 好像我們吃飯.
     
    港式甜包比較似甜品, 我是甜精, 吃吃都覺得很滿足, 不過就間中啦! 糖水不能天天吃.
     
    歐包貴......其實它用料最簡單, 只是較花時間, 和香港少供應吧........還是自己做啦.

    回覆刪除
  16. 只要諗起港包入面D油我就好驚...雖然我朝朝都係食港包做早餐...只可以盡量揀D冇咁肥...但歐包都好高碳水化合物...不過食咩都好唔過量就得!如果樣樣都怕...就咩都唔駛食...
    歐包要多D時間???我係新手好想試下整包包...你會建議試咩包包先??
    [版主回覆01/13/2010 08:13:00]尤其是牛油, 是最塞血管的脂肪呢(除了trans fat), 澱粉質係最好的食物呀, 它的熱量係脂肪一半咋.
     
    試吓呢個, 好易做, 不過要耐性, 由得它慢慢發.
     
    http://hk.myblog.yahoo.com/amoon-littleworld/article?mid=22946

    回覆刪除
  17. 個個包包睇落啱哂我杯茶!
    一於呢個星期五試整~~反正DAYOFF成日都係屋企~可以慢慢整~
    整好再同你報告~^^
    [版主回覆01/15/2010 23:27:00]好好好.......

    回覆刪除
  18. 我整左我人生O既第一個包包啦...
    但因為冇麥粉...所以冇落到...同埋因為好心急想睇成品
    我最後用左多D酵母...有時間黎睇下有咩方法可以改善下...因為我做錯左勁多野...=_=哈哈... http://hk.myblog.yahoo.com/iam-cakemakingmao/article?mid=83&prev=-1&next=75
    thanks~
    [版主回覆01/15/2010 23:27:00]睇左喇, ok! 繼續試吓啦!

    回覆刪除