2009年6月7日 星期日

不是盡頭

今早聽電台節目, 嘉賓是邵國華, 他的舌癌復發了.......


他很積極的面對, 他享受每一刻生活, 他放下和人的恩怨, 珍惜和家人的關係, 準備出一本書,


車淑梅問他 : 有什麼對太太和孩子有什麼說? ......邵 : 我十分愛你們.


問 : 捨不得他們嗎? ......邵 : 殺到埋來, 冇計.


問: 對人生有什麼領悟? ......邵 : 我要走得好happy........佛家說, 煩惱即菩提, 我五十歲了才開始明白人生, 遲好過冇.



我和太太都說, 最好不要這樣才領悟人生啦! hehe, 不過, 誰不會面對那一天? 只是, 癌症不是盡頭, 死亡也不是盡頭, 愛可以延伸跨越死亡.


又想, 盡頭也不是問題, 盡頭就是涅盤, 一切回歸於零, 死者歸於虛無, 生者了無牽掛, 畢竟人生只是雪泥, 我們只是鴻爪, 應學會放下.


"癌症不是盡頭" --- 一本很好的生死教育的書, 老友, 妳能參與製作, 真是善緣呀!


10 則留言:

  1. 絕對同意 !
    [版主回覆06/07/2009 18:22:00]我識得講咋, 我家人朋友面對大關時, 最放不下是我呢.......這事有排參透.

    回覆刪除
  2. 好感人的書﹗
    [版主回覆06/07/2009 22:12:00]好矛盾是, 我想一生糊糊塗塗, 乜都唔駛冧, 不過現實係, 遇上太多生老病死, 不由你不面對, 只想漸漸豁達一點

    回覆刪除
  3. 你講得對, 說什麼都容易, 做是另一回事. 能拿得起放得下的沒真正有幾人. 太多牽掛太多不捨. 日後回顧, 無愧於心, 不作歹. 輕輕的去.......
    [版主回覆06/08/2009 07:42:00]係呀, 知易行難, 相聚時對人好d, 又會增加牽掛, 要別離後無牽掛, 平日是否要冷淡d? 好似好矛盾, 取個平衡吧.

    回覆刪除
  4. 話雖如此, 但生命可貴
    [版主回覆06/08/2009 09:59:00]生命無常, 因此生命更可貴, 也要學會放下.
    Train yourself to let go, of everything you fear to lose.
     
    所有我最愛的是平平淡啖, 安安靜靜的生活, 那是無上的福氣

    回覆刪除
  5. 說真的,當知道有盡頭、時限,邊個仲會話人生有希望?
    只求可以活得精彩,....
    [版主回覆06/08/2009 09:57:00]吊詭的是, 其實每個人都知一定有死亡的一天, 活得精彩是對的, 學會怎面對那天也是對的.......臨走最難面對的只有三件事, 1. 怕家人傷心.  2. 怕死前的病痛. .......

    回覆刪除
  6. 人始終都有軟弱的時候, 唔想令親人傷痛就要堅強, 真係好矛盾呢. 情緒同思想都唔係咁意控制. 
    [版主回覆06/08/2009 19:41:00]呢個係人的亙古的問題, 平時多想都冇用, 只有到時才知道怎樣, 每日好好生活, 好好對自己, 好好對家人親友, 活在當下, 是其中一個work的方法吧!

    回覆刪除
  7. 每次老媽要入院,都心情緊張,十萬個唔想有事發生! 朋友們閒談近日都多出入醫院.
    [版主回覆06/09/2009 07:55:00]當天我爸, 媽面對生死大關時, 真是很難受, 每天都像生活在噩夢中.......幸運的是他們都大步檻過......如果不是現代醫學進步, 我的幾個家人早已不在人世了.......不過亦有無可奈何的時候.

    回覆刪除
  8. 六四冇去維園因要出席一個同學嘅追思會 。  係癌症過身, 由發病到過身只係半年時間, 真係好化。  佢讀書好叻, 係一個超級好人, 好兒子, 好丈夫, 好爸爸, 好上司...追思會上盡是美言, 思念同唔捨不得。  牧師講我哋要學習面對死亡, 就比較容易釋懷, 所以個 追思會喺好平靜嘅。
    記有人講過要當每天都係最後一日, 所以要精彩活著每一天, 對所愛嘅人說愛, 想讚美就讚美, 咁就唔會抱憾終生喇 !
    [版主回覆06/09/2009 07:52:00]死亡很易擦身而過, 亦經歷過家人在沒可能的情況下過身, 感覺像一場永不會醒的噩夢, 醒了, 又墮入同一個噩夢......一線之差, 陰陽永訣, 人在此際, 只覺自己渺小.
     
    熱愛生命, 死時會否不捨? 不愛生命, 死時又會抱憾.......我想的是 : 平淡平安的生活.

    回覆刪除
  9. 令我想起9年前7月的某一天,當時只得6歲的姪仔也是因癌症而離開我們....雖然直至現在每當想起,心中總戚戚然,但我從我嫂嫂身上學識,這是她對我說的....."凡事都positive thinking,心...就不至於那麽難過,人....亦會得到平靜!" 面臨喪子之痛的她還可......當時我真係十分佩服她
    [版主回覆06/08/2009 22:21:00]她面對過, 跨過了, 不害怕了;  我面對過,未跨得過, 仍是心有戚戚, 像妳. 我不是害怕死亡, 只是害怕死前.
     
    死是生的常事, 沒什麼可怕, 由古到今, 不只多少億人都走過了.  生亦可歡, 死亦何哀, 憐我世人, 憂患實多.

    回覆刪除
  10. 名DJ竟然得到舌癌,生命就是如此
    [版主回覆06/12/2009 23:11:00]世事就係咁無常, 咁吊詭, 平安的生活, 是最大的福氣.

    回覆刪除