2009年6月19日 星期五

澳門遊 - 拾遺

澳門遊 2009-4


哈哈, ルナ說起, 我又找些澳門照片來回味一下..........


去澳門多次, 從未試過在這角度拍攝這麼完整的噴水池廣場.......你猜我站在那裡拍攝?



 陳光記......


馳名黑椒燒鵝, 可惜去得不著時, 燒鵝賣完, 吃燒鴨吧, 都好好味.......香港, 絕大多數叫燒鵝, 但吃的只是鴨, 混沌不清



很喜歡路環小村, 可惜今次沒時間在長堤看日落了, 最喜歡在安德魯花園咖啡店吃個茶, ルナ, 去完竹灣, 可以順道來這裏一遊呀!


 



15 則留言:

  1. i wanna hv a walk,there
    [版主回覆06/20/2009 08:06:00]好好行咖, 附近又有嘢食

    回覆刪除
  2. 都成2年無去澳門啦, d船票同酒店都貴, 不如比多少少錢去東南亞好過啦
    [版主回覆06/20/2009 08:08:00]大家的情調是不同的, 不能比較的, 澳門對於我已成為一處有感情的地方

    回覆刪除
  3. 见你周时去澳门,你去一趟需要几耐时间?
    [版主回覆06/20/2009 08:10:00]搭噴射船或雙體船, 45-60分鐘咁上下啦. 不是太遠, 但又有出埠的感覺

    回覆刪除
  4. 有機會去澳門一定請教你攞資料. 原來澳門都有咁多好去處..
    [版主回覆06/20/2009 08:13:00]好呀好呀, 我都係半個澳門通了........即係半桶水啦

    回覆刪除
  5. 真係要搬竇嘅話記得通知聲 千其唔好有靚樓盤就争靜雞雞走咗
    [版主回覆06/20/2009 08:17:00]唔會咁易走, 我都係喜歡yahoo, 不過如果
     
    1. 又神神地/上唔到/無啦啦唔見左d資料/.......
    2. 外國好友的連線慢, 成日上唔到.......
    咁我會搬屋了.
     
    依家仲睇緊新樓盤

    回覆刪除
  6. 個撻好吸引呀!!!
    [版主回覆06/21/2009 01:37:00]係呀! 葡撻我除了這間, 其他的都冇興趣呢.......

    回覆刪除
  7. 哈!我認得尼個位置,但係我講吾出個地方名稱~ 因爲上次我們去玩時,正遇聖誕節,放正棵聖誕樹。嘩!想起我們果次想食葡囯餐,又吾識那裏有,肚子又餓,係0甘易走入一間中餐,佢地介紹一味(吾記得果名,果待應話好好食咖!)等上菜時一望,唓~ 係雲吞湯雞咋!俾人抓佐上車,結果沙鍋雲吞湯埋單好貴尼!好懷念果條賣餅街尼~
    [版主回覆06/20/2009 21:37:00]你都曾在這裏過聖誕? 砂鍋雲吞雞, 係上海菜中算貴嘢黎喎(雖然我都興趣不大), 那時妳一定未識我, 否則我過d資料比妳啦. 

    回覆刪除
  8. 我下星期二去澳門都想去路環行下, 不過希望到時好天啦!
    [版主回覆06/20/2009 21:41:00]炎炎夏日, 冇咁舒服呢, 黃昏去吹吓海風啦, 去"里斯本地帶"吃地道葡國菜, "雅憩"就不要了

    回覆刪除
  9. 安德魯葡撻好吸引呀
    [版主回覆06/22/2009 07:32:00]他的葡撻是最好吃的呢!!!

    回覆刪除
  10. 很懷念澳門美食,時近中午,肚內有回響添
    [版主回覆06/22/2009 20:19:00]澳門,真係令人懷念, 我想食細龜炒麵........

    回覆刪除
  11. haha, 我真係有諗過去雅憩wor!
     
    [版主回覆06/22/2009 20:18:00]嗯.......無論環境和食物, 都令我不想吃.....所以我是一次也未吃過........妳可以試吓再告訴我 , 對面間(好似叫陳勝記)d鴨就好似幾好(我都未食過), 冬天去啦, 夏天熱死, 半露天呀!

    回覆刪除
  12. 係呀~ 果時仲沒上過網呀! 係2005的聖誕,那年你有否去澳門呀?可能與你擦身而過,都吾知~
    雖然對蛋撻麻麻地,只不過山長水遠去到澳門,去之前已經立定兩樣野必試,葡撻同豬仔包。結果,真系唔知哪裏有賣~ 豬仔包就係餅街買的,淨係一塊豬扒與漢堡包,好難啃尼!無汁無菜乾掙掙.....失望!
    [版主回覆06/22/2009 20:30:00]2005年聖誕, 當然有啦, 還在DIY分享, 那時真令人懷念.......蛋撻, 溫哥華靚d, 葡撻就梗係安德魯啦!
     
    澳門豬扒包, 只得一間大利來好食, 其他的都是混混. 只是他是一間惡店, 吃過一次以後就沒再吃了. 唯一是"八百伴"的四姨太cafe的西式豬扒包食得過.

    回覆刪除
  13. 你好,我是在芹菜的blog認識你的,今天初次拜訪,你很識享受啊,我這個地道澳門人也沒有你咁熟悉澳門呢------有空請來我處坐----
    [版主回覆06/24/2009 15:23:00]你好, 我對澳門的熟識, 只限於吃吃逛逛, 那裏是真的認識?  歡迎多來坐坐, 提供一些澳門的風貌人情. 不過,我對澳門又幾有感情, 欣賞澳門人, 比起香港多一份人情味. 不過近這6, 7年漸漸變了..........

    回覆刪除
  14. 第一張相是在市政廳的頂樓影下去嗎?
    [版主回覆06/24/2009 15:17:00]不錯, 是在市政廳上面的圖書館拍的, 那裏不准許拍攝的, 快快手手拍了.

    回覆刪除