2009年6月27日 星期六

聰明笨伯卷

今個星期本來都算平安, 那知星期五又聽到令人灰心的消息.....


幸好打風令一個晚上的ot取消了, 不理了, 做個包減減壓, 想做個芥末煙肉卷, 去年本來買了一大瓶Pommery mustard, 一大陶瓶, 未吃到1/5, 已過期忍痛丟了......


 


途經百記, 竟發現小玻璃瓶的Poupon Old Style Mustard, 和龐馬利是同類, 鹹酸鮮香, 味道也不輸給Pommery


 好, 又做我的卷卷


雖然因夾了煙肉和芥末發酵時有點走樣, 應該好味的......那知.......唉......


 


........好一個聰明笨伯, 大家看得出有什麼致命的問題???


結果全部卷卷都吃不得!!! 丟掉了.....



不知怎的, 今次搓完包, 心情都是不太好......


16 則留言:

  1. 睇唔出~~ 好硬!?
    心情唔好係因為今次包包唔理想, 加上公事~~令心情更唔好~~ ......... relax la~~~
    [版主回覆06/27/2009 17:25:00]唉, 不是, 好啦, 告訴妳啦, 而係........d煙肉捲捲捲, 於是被捲在內心的麵團膨脹不起來, 焗的時候它有不太透熱, 於是個心不熟, 我一啖吃下去, 外面好靚, 但個心好次香口膠.......唉, 笨! 全部送比籮生了.
     
    公事.....一連串的變化將要來臨, 有些是決定生死存忘, 有些是大石責死蟹的改變, 都係要面對, 不過無奈咁啫. 謝謝呀, 我ok的.

    回覆刪除
  2. 哈~ 係咪苦兼辣呀!笨爺~
    以爲麥克積信的離開.......你唔開心~
    人生就係0甘!開心、唔開心亦都要面對。
    放鬆地啦~ 盡量在公司唔開心的事和物,行出公司之前就擺低至回家~
    [版主回覆06/27/2009 18:19:00]唔係, poupon芥末係不辣的, 係.......下面已開估了.
     
    我個人將公事看得好開的, 不過最近發生的事有好多後遺症, 有排煩, 如果放得低, 我梗係話之佢了.
     
    放心啦, 過一段時間吸收了, 就冇事了.

    回覆刪除
  3. 我啱啱卷完包,心想卷出你呢款樣,但怎樣可以搓到咁長條形?
    我用棍只做到短圓狀,
     
    [版主回覆06/27/2009 18:19:00]要捲得長, 方法是先將麵團搓長, 再碌和拉成長三角.......hehe
    http://hk.myblog.yahoo.com/amoon-littleworld/article?mid=18923
     
    試吓.

    回覆刪除
  4. 捲時,點解要掃上麻油,
    THX
    [版主回覆06/27/2009 19:45:00]因為防止卷卷黏在一起沒有了一圈圈.......原本書是說掃上shortening的, 當然不好喇, 反正做芝麻卷, 所有掃麻油.

    回覆刪除
  5. 吓....咁咪好嘥lor....無得食tim....不如整番個你最在行既雪芳頂住先啦....
    [版主回覆06/28/2009 00:05:00]冇法啦, total loss............近排迷上卷卷卷, 冷落了雪芳蛋糕......

    回覆刪除
  6. 這笨伯卷應該已令你心情平伏多吧,既然選擇面對就以橋到船頭自然直的想法去對付它啦。
    [版主回覆06/28/2009 00:07:00]我慢慢會消化消息了, thx. 我都唔係容易放棄的人, 但肉隨砧板上的感覺真好激氣. 我會應付了, thx.

    回覆刪除
  7. 哎吔....好嘥呀~
    我今日都做咗包包呢....墨西哥包,個包包好軟軟呀^^
    [版主回覆06/28/2009 22:21:00]哎, 冇法啦, 我呢個笨伯.........正呀, 幾時有得睇呀?

    回覆刪除
  8. 睇外表真係唔覺內心唔發唔熟喎.
    我們這裡夏天啲人週末很多都往度假村減壓, 和大自然打交道. 你有時間攞假輕鬆下都係好辨法嚟架.
    [版主回覆06/28/2009 22:27:00]唉, 我都係一啖咬落去至知.......
     
    我呢, 平日放假喜歡睡覺減壓, 越不開心睡得越多, ok咖, 睡完好似有番d力量. 然後等放大假去旅行, 拋下一切.

    回覆刪除
  9. 有時真係要搵自己喜歡做的事來減減壓 ! 你找到了 !! ^^
    [版主回覆06/28/2009 22:30:00]其實我喜歡心情好的時候搓包, 因為係好安樂的感覺.
     
    心情太鬱悶時, 縮在一角睡覺或不動是我減壓的另一個方法, 靜下來不動, 慢慢會覺得有返力量去面對.

    回覆刪除
  10. 单单0甘睇,好靓好像好好吃,想吃回个。我都试过捲ham肉,内心真是发不起,不过好彩是熟的
    [版主回覆06/28/2009 22:31:00]hehe, 妳都試過!! 我咬下去時, 簡直慘叫.......只有外面一圈是正常的...........

    回覆刪除
  11. haha, 你最近偏心於卷卷而冷落咗亞芳wor!
     
    希望你所煩惱的事有好的出路啦! Bless you!
    [版主回覆06/28/2009 22:47:00]係呀, 呢排我迷上卷卷........
     
    世事多變, 不開心過後, 我都會面對現實的, 謝謝!

    回覆刪除
  12. 變化??生死??強迫???你好似每年的尾都係一輪OTOTOT, 你的領導人擺無定向風喇, 或是新人事新作風??? 吾熟??好可惜啊, 包包外表好靚呢!
    [版主回覆06/30/2009 08:55:00]冇錯, 我就係在這環境下工作了, 變化---生死---強迫---妳抽出來這幾個形容詞真係準確. 咁嘅環境, 開始了都十幾年了, 應付自如. 不過偶然都頂唔順谷住道氣.
     
    哈哈, 聰明笨伯包, 又可以叫虛有其表包.

    回覆刪除
  13. 麵團發唔起!可能圈得太實,下次不如試卷一個平d形像喇!
    [版主回覆06/30/2009 08:57:00]hehe, 我就係想玩吓變化, 結果衰左, 算啦, 又識一樣野

    回覆刪除
  14.         所以我習慣 咗 每次第一次做 嘅實驗品我都會只做一個起、兩個止,免得浪費食材!
    [版主回覆06/30/2009 09:00:00]我就係冇lam過失敗呢.........

    回覆刪除
  15. 外表睇嚟都好靚仔架 , 估唔到佢哋係虛有其表 。 
    栽員, 合併, 減薪每日都發生, 而家做打工仔嘅, 無論幾高級都係要睇老闆面色, 真係冇法子, 盡量向好方面諗喇, 有啲嘢我哋係冇法改變, 只可放鬆心情令自己每天過得開心啲 。 退一步海闊天空, 世事難料, 明天會更好架 。  
    [版主回覆07/01/2009 09:34:00]世界變得越來越難撈是真的, 10多年前這巨輪已開始了, 全世界都係咁樣, 推動巨輪那個大國自己都爆煲了, 不過世界已沒法返轉頭.........如果我係社會學家, 這將會係一個好好的課題.........我當然不是, 只係一個打工仔. 那些困境是要面對的, 去吧!

    回覆刪除
  16.         " 我就係冇lam過失敗呢......... "
            正如我無 諗過會種唔掂香草,所以仲一買買兩盆。
    [版主回覆07/02/2009 13:43:00]人生太多這些場面, 這些都算好少事, 大大鑊的仲有好多, 算啦!

    回覆刪除