2009年5月10日 星期日

大project

一生人都冇幾多次了........


姐妹大喜日子近了, 她是我一開始加入烘焙天地的第一代DIY餅友........到今成了心照的老友. 老友的大project, 怎可不大過手癮一番呀!


照片中只是總數的1/4......



萬里而來的紅莓乾, 十分好味呀! 空口吃了很多!!! 謝謝



不好曲奇的我, 一夜之間, 做了350個曲奇, 由秤料, 開粉, 分份, 做方形, 入雪櫃, 做了4小時.........已是凌晨2:30


 


第二天, 切片, 入爐, 我的小爐子, 一共焗了22底左右, 又是4小時.........


 


成了!!! 可以送貨了! 這只是總產量的4成, 另外的6成由準新娘和另一位姐妹完成


然後, 一起再做了6小時的包裝女工.......!!!



750g牛油的陣容, 看見也暈得一陣陣, 不過做出來的曲奇真是好好吃的呢!



下一次的大project, 只可能是我另一位姐妹結婚吧!


食譜在此


30 則留言:

  1. 紅莓曲奇圍牆 是怎麼樣的大PROJECT呢?!
    [版主回覆05/10/2009 22:24:00]哈哈, 玩下啫.
    是替姐妹的婚禮做回禮小禮物呢.

    回覆刪除
  2. 怎麽啦?為豬流感恐怕墨西哥攻打香港作好準備?
     
    [版主回覆05/10/2009 22:25:00]哈哈, 豬流感, 洗乜驚呀! 我都未驚過, 只怕冇得玩啫!!

    回覆刪除
  3. 嘩! 真係大波蓆(啱啱响你老友處學嘅譒譯名詞 )
    你唔係都係做到零晨四、五點呀?
    真係成道牆咁壯觀

    回覆刪除
  4. 大哥,服佐你,今次肯定唔係實驗或自家食啦!
    攪乜呀?攪山寨廠.... 供應給成條村?
    [版主回覆05/10/2009 22:40:00]當然冇咁癲啦
    姐妹有order, 義不容辭咁啫!

    回覆刪除
  5. 咩樹咁大菠蓆先 … 震撼震撼
    [版主回覆05/10/2009 22:41:00]婚禮的回禮小禮物啫, 食得是最好的呢!

    回覆刪除
  6. Sally Ho 莎莉豪2009年5月10日 下午5:15

    曲奇牆好壯觀呀!工廠妹你都做坏埋,同我爭野做.
    [版主回覆05/10/2009 22:46:00]哈哈, 冇幾何的了, 哎, 妳有興趣嗎, 早只請妳幫手啦!

    回覆刪除
  7. 紅莓曲奇圍牆好狀觀呀! 莫非是幫朋友做回禮禮物?
    [版主回覆05/10/2009 22:47:00]妳真聰明呀, 是呀, 否則我不會這麼大做曲奇呢!

    回覆刪除
  8. 見到都頭暈啊﹗
    [版主回覆05/10/2009 22:48:00]我都未暈完, 發夢都見到曲奇. 相信妳比我更暈. 相信一年內我都不會做曲奇了吧.

    回覆刪除
  9. 因為我之前都有個大project, 不過唔係整曲奇, 係整朱古力呀!
    [版主回覆05/11/2009 11:38:00]都好呀, 不過天氣熱了, 朱古力做不成了........朱古力project, 都好"係嘢"bor

    回覆刪除
  10. 疊咁高…小心小心!
    [版主回覆05/11/2009 11:42:00]哈哈, 純粹貪玩, 如果塌了下來, 碎了的話..........我冇眼睇了.

    回覆刪除
  11. 嘩...咁多都係其中4成!!! 10成咪真係好多好多~~~ 勁呀!
    好替你高興, 當日一定好有滿足感啦~~~ 夜d訓都唔打緊啦~~~

    回覆刪除
  12. 好厲害呀!!! 每磈餅都整得好均勻呀!!
    [版主回覆05/11/2009 11:49:00]我有預習和計算好嘛 :)

    回覆刪除
  13. d曲奇疊到好壮观啊!!d.曲奇每粒切到好齐....
    [版主回覆05/11/2009 11:51:00]哈哈 , 手痕呀, 一個不好跌下來, 我就冇眼睇了

    回覆刪除
  14. 哈哈哈, 好大嘅大波蓆呀 好壯觀!!!!!!!!!!! , 嘩做到咁夜, 咁早就做定??? 吾係仲有5, 6 日至[放監]咩?? 有你兩人合力幫手, 曲奇好靚, 其實你地可以實落去那套花,心,星模的心模, 出來的曲奇咪心型囉!  不如................再做過呢..........
    [版主回覆05/11/2009 11:55:00]係, 家吓手酸背軟, 仲好眼訓添, 如果可以放多日假就好了
     
    我都想過呀, 但很一想到要做300幾個, 只好聽聽話話, 四方算了.
     
    再做過!!! 等下一位姐妹結婚先啦!

    回覆刪除
  15. 真係未見過咁大既project呀...你好勁呀...
    [版主回覆05/11/2009 16:53:00]烘焙界只是很小兒科, 只是我這小爐, 加人手, 就顯得很大陣像了haha

    回覆刪除
  16. 嘩, 你好利害喎 , 咁快手就做好350個紅莓曲奇 , 好壯觀啊!  睇怕好快又有好多好姐妹話結婚搵係你幫手喇, 哈哈 !   
    [版主回覆05/11/2009 17:03:00]都做左8個小時呀, 一次個整成2800g的麵團, 真是很過癮........
    哈哈, 係咪真咖, 我估都唔係太多人咋啩?

    回覆刪除
  17. 辛苦你!佢有你這個朋友真是難得!
    [版主回覆05/11/2009 21:25:00]辛苦但好好玩. 朋友嘛, 我患難時, 又怎計丫......

    回覆刪除
  18. 做咁多, 實好好玩o者 ! 做乜唔搵人幫手呀 ! 呢到有工仔呀 !
    [版主回覆05/12/2009 07:33:00]好好玩兼好辛苦, 我的工作時間是通宵更, 好難請幫工的

    回覆刪除
  19. 好勁嘅大製作,犀利!仲有心機排成圍牆.
    [版主回覆05/12/2009 07:33:00]苦中作樂嘛

    回覆刪除
  20. 好姐妹,我今晚上堂是"半夢半醒",師傅說我今次上課的水準下降,個心唔知去了邊處…
    個心當然想去找"周公"啦!
    你凌晨2:30幸福過我,我是清晨4:35洗完工具才上床,這兩天都患上"渴睡症"
    [版主回覆05/12/2009 07:36:00]哈哈, 誰叫妳和另一位好姐妹去wet丫
     
    我不可以呀, 睡得太少我會死呀! 現在已經是嚴重缺睡症了. 個心仍然幻想有一天假期可給我睡午覺睡個飽..........幻想啫.
     

    回覆刪除
  21. 利害! 相信你現在見到曲奇都怕怕!
    [版主回覆05/12/2009 17:45:00]怕怕呀!!! 做左我幾年的quota 呀!

    回覆刪除
  22. 只係焗都4個鍾, 就嚟隔住個電腦都聞到牛油曲奇味呀.
    [版主回覆05/12/2009 22:02:00]我到依家仲聞到牛油味呀!

    回覆刪除
  23. 好震撼呀!!!真係大project.....
    [版主回覆05/13/2009 19:42:00]做完真係手震呀!

    回覆刪除
  24. 一次過可以整咁多....正呀....可以過足手癮...^0^
    [版主回覆05/13/2009 19:43:00]自己真係冇乜機會呀! 過足癮!

    回覆刪除
  25. 你用邊隻牛油ga?
    [版主回覆05/13/2009 19:44:00]統一標準, 用銀寶無鹽. 其實可以好自由, 口味各有不同呢!

    回覆刪除
  26. 幫老友整,真感動!
    [版主回覆05/15/2009 20:49:00]唔駛講乜野, 總之一句, no problem!

    回覆刪除
  27. 好勁啊,我最近都煩惱緊我既婚禮回禮禮物,其實都有諗過整曲奇,但係又怕整定到時會淋晒,見你朋友整曲奇做禮物我又想整,請問呢款曲奇一般可以放幾日,同埋你朋友用幾塊曲奇做一份禮物架??tks!!
    [版主回覆05/15/2009 20:56:00]我地用啤袋機啤住個袋口, 再叫我老友, 放入密封的大袋再加防潮包.......要頂一個星期的呀, 我焗的時候, 特登焗得香口d, 至於淋唔淋, 我都未知, 遲d話妳知.
    每人兩塊咋, 本來想每人4塊, 但她擺成30圍, 我地計過, 4塊要做千幾塊, 開十幾二十個鐘頭工都唔惦, 所以都係兩塊算了.

    回覆刪除
  28. Fatgarfield 肥加菲2009年5月16日 下午12:46

    Wow, that's lots of cookies, and lots of BUTTER!!!
    [版主回覆05/17/2009 10:53:00]HAHA, scared!!!!! butter................no more!!!

    回覆刪除
  29. 報告 , 我的回禮曲奇終於上場了, 放了一星期, 狀態仍然很好.
     
    新娘好重手, 包好啤好的曲奇, 12包一袋, 每袋放入冇氣味的防潮劑一包..........其實我本來是想一大袋幾十包, 放兩三包防潮劑, 扎埋個袋口已足夠了.

    回覆刪除
  30. 原來係咁.......用來送禮........哈..實在壯觀呀!!!

    回覆刪除