2009年5月28日 星期四

滑滑panna cotta(附簡譜及原作)

端午節短短的一天假期, 做番個panna cotta.........第一次做.......



記得第一次遇上這美味的甜品, 是2003年在溫哥華島附近的一個風光如畫的小島Salt Springs Island一間海邊的餐廳.......咦? 是什麼來的.......白白滑滑的, 好好吃呀!!! 記在心裏, 後來一直也再吃不到這麼好吃的.



母親大人到新界遊玩, 給我一瓶鮮奶, 呀? 香港還有鮮奶出品.........好好好, 就用它



很易做呀!! 一會便做好了, 只是很軟, 要雪好久才成形


用的是阿銀的食譜


奶150g 鮮忌廉150 糖18g 魚膠片 5g 雲呢拿膏適量


用水浸軟魚膠片, 瀝乾, 奶+忌廉+糖+雲呢那膏煮至剛出煙(但千萬不可煮沸), 熄火, 放入浸軟魚膠片, 拌溶, 過篩, 倒入容器, 雪4小時.......


哇, 很滑很甘呀!!! 看到也吃到!



用長柄士多啤利做了個汁, 可惜太杰了, 好吃不好看, 不post了.



26 則留言:

  1. 白滑,食得的SK十一!
    [版主回覆05/29/2009 11:53:00]食左會否像剝殼"基"蛋咁wat???

    回覆刪除
  2. 隻哈哈笑匙梗好可愛呀!康寧鮮奶是不是比其他的濃味好多?
    [版主回覆05/29/2009 11:56:00]那隻匙是去年我在青森蘋果園買的小蘋果匙, 好有紀念價值的呀!
    康寧奶呢, 我都係覺得冇北海道3.6咁香, 不過感覺上新鮮d.

    回覆刪除
  3. 我對奶...麻麻地...不過咁多人都話好味 ~ 搞到我想試試呢個
    [版主回覆05/29/2009 11:59:00]我都係對奶普通, 其實很愛奶, 不過喝多了會滯住. 呢個呢, 間唔時吃一次, 都ok的.

    回覆刪除
  4. 材料看來很簡單, 見很多朋友都吃/做得不亦樂乎.
    [版主回覆05/29/2009 11:59:00]簡單, 易做, 又易成功, 又好吃, 真係幾好呀!!!

    回覆刪除
  5. 真係好滑~~~~  入口滑左落肚~~  我又要試依個食譜~~ 
    美食永遠都令人回味既~~
    [版主回覆05/29/2009 12:01:00]拍得住保健的薑汁撞奶咁滑呀!!!  我雪了4小時, 不知剩下的雪過夜, 有冇咁滑??

    回覆刪除
  6. 睇見就知滑啦!
    [版主回覆05/29/2009 12:02:00]滑到好次Italian Tomato嗰d布丁咁滑呀!!

    回覆刪除
  7. 嘩!睇得見的滑溜!
    [版主回覆05/29/2009 12:08:00]試吓啦, 好易的呢!

    回覆刪除
  8. 真係滑都冇咁滑?! 雲呢拿膏是什麼?
    [版主回覆05/29/2009 12:10:00]我都覺得喜出望外呀!!!
     
    雲呢拿膏是在bakingware house買的, 法國出品, 用真的雲呢那子做的, 方便得來又天然, 不過一瓶, 也用好耐, 我都要多d用它了.

    回覆刪除
  9. 又白又滑呀
    [版主回覆05/29/2009 12:14:00]滑過豬膏呀!!! 從前做過baked pudding和creme brulee, 都冇咁滑.........不過兩者都是做過一兩次, 不作得準.

    回覆刪除
  10. 滑~~~~~~~
    唔知道用盒裝紙包奶得唔得?
    [版主回覆05/29/2009 12:12:00]滑不留口呀!
     
    盒裝奶, 當然得啦, 它主要是cream做成奶味的, 可惜香港冇4.8北海道奶, 否則可以不用cream咁肥, 仲正.

    回覆刪除
  11. 個樣好得好滑喎 ~~~~我都想知乜係雲呢拿膏, 係邊到有得買, 用雲呢拿油又得唔得?
    仲有用魚膠粉得唔得?分量又係幾多呀?  
    [版主回覆05/29/2009 18:52:00]雲呢拿膏是在bakingware house買的, 法國出品, 用真的雲呢那子做的, 方便得來又天然.
     
    雲呢拿油當然得啦, 落一小匙啦. 魚膠粉當然得啦, 同一樣東西, 用少少溫熱水開溶了, 一樣份量得了.

    回覆刪除
  12. 又軟又滑, 好正呀!
     
    我上次去行山, 去咗甲龍有間賣自家製鮮奶&燉奶嘅, 都好好味架, 我都買咗兩盒奶返屋企整木瓜奶, yummy!
     
    [版主回覆05/29/2009 18:54:00]這個真的不錯呀, 意式奶凍, 易做兼好吃.
     
    甲龍都有本地鮮奶??? 木瓜鮮奶, 好正 !!

    回覆刪除
  13. 拍得住薑汁撞奶咁滑  , 非試不可啦~~
    [版主回覆05/29/2009 18:55:00]拍得住呀, 只是撞奶是熱好吃, 奶凍一定是棟吃.

    回覆刪除
  14. 真係白白滑滑.
    以前(好耐好耐)係百記餐廳食set dinner, 個甜品一定係呢個panna cotta, 佢地加左少少杏仁味,好似杏仁豆腐花咁, 好滑好鬼正, 不過唔知幾時開始改左係jelly,真失望.
    係我屋企樓下都有香港(利華)鮮奶買的, 不過逢星期四架牛奶車先嚟一次, 只賣一小時.
    最近係apita買左一盒'大阿穌'牛奶, 覺得它比香港賣的北海道3.6好味呢.
    [版主回覆05/29/2009 21:10:00]
    哈哈, 甜品真的很重要呀, 正如我去澳門, 九如坊的木糠布丁, 陸軍俱樂部的香梨蛋糕........大堂街8號雖好, 但甜品不行, 始終差d, 香港呢...........不知為何, 冇乜邊間有感情, 不過我係澳門通, 香港盲
     
    原來香港都有d本地牧場, 都好呀, 以前的神樂院, 都變了祖國貨.
     
    哈, 一般超市見的北海道3.6, 連農場名字都冇的, 可見不是很靚的貨.......我就覺得北海度雪印的好香濃, 不過北海道也有數以百計的農場, 我都未試得晒, 驚滯死  
     
    大阿蘇, 好, 留意吓先, 九州的牧場也不錯.

    回覆刪除
  15. 睇嚟又真係好滑滑喎 ! 
    [版主回覆05/29/2009 19:10:00]快來做白雪雪, 滑劣劣啦!

    回覆刪除
  16. 白白雪雪, 睇得出的香滑, 好正呀! 請問雲呢拿膏係點樣架?
    [版主回覆05/29/2009 19:35:00]雲呢拿膏是在bakingware house買的, 法國出品, 用真的雲呢那子做的, 方便得來又天然.
     
    一於試吓

    回覆刪除
  17. 又白又滑,好迷人啊!鮮牛奶好味夠濃嗎?
    [版主回覆05/29/2009 19:37:00]好夠味呀!!! 因為用了cream, 勁甘
     
    如果是特濃牛奶, 可能連cream都不用加
     

    回覆刪除
  18. 嘩 ..............引死人呀!不過早排食得太多這些奶製品,我塊面珠done爆脹呀!都係要介一介。

    回覆刪除
  19. 嘩 ! 好滑呀 !
    呢隻奶係咪好濃味架 ?! 你估用十字牌效果 ok 唔 ok 呢 ?
    [版主回覆05/30/2009 18:03:00]係勁濃呀, d奶味來自cream, 十字牌ok丫, 其實我覺得奶是用來溝淡d cream的, 所以濃淡可以由口味決定的.

    回覆刪除
  20. 好滑呀
    [版主回覆05/30/2009 18:04:00](Empty)

    回覆刪除
  21. 咦, 我都要做, 天口熱, 啱晒!!
    [版主回覆05/31/2009 19:43:00]一於試吓啦! 整好叫我過來吃, haha

    回覆刪除
  22. 呢兩日甘岩想整,見你整左,好靚好滑呀,等我試下先.
    [版主回覆05/31/2009 19:42:00]一於試吓啦, 想清淡一點, 可少點cream, 多點奶.

    回覆刪除
  23. 好~~~等我今晚買支雲呢拿油試吓整先......kekeke, 但係其實唔落又得唔得既呢?
    我之前去北海道留起咗d布丁瓶, 但係唔知去晒邊樹...哈~~等我搵吓先...
    仲有我就嚟生 ~~~ 呢個甜品簡真啱晒我, 不過我會少D cream同少D糖 ~~~~
     
    [版主回覆06/01/2009 12:24:00]恭喜妳呀, 一切順利呀!
     
    這個好丫, 奶類營養豐富呀! 係啦, 減cream加奶啦, 都正呀!
     
     

    回覆刪除
  24. 為食加菲netnet2009年6月2日 中午12:11

    我都用鮮奶做了個芝麻布甸, 點知...脫模失敗...沒影相了..
    [版主回覆06/02/2009 14:21:00]這個也不能脫模呢, 因太軟了, 脫模一定爛的呢

    回覆刪除
  25. 我整咗喇 ~~~ 不過我可能落多咗魚膠粉呀, 所以唔似你嗰個稀稀哋既質感, 但都好好味呀......我唔覺意開爛咗盒cream咪用晒佢又落咗好多奶, 跟住又唔知點咁落魚膠粉 ~~哈~~~ 不過我諗都係落多咗少少啫.....真係好味呀, 我諗我下次一定會做到你個質感既 ~~~~
    [版主回覆06/04/2009 07:45:00]有冇照片睇呀? 原食譜仲少魚膠呀, 4g, 我第一次整, 怕結不好, 下了5g, 都ok, 下次妳可再下少d d 魚膠便ok了.
     
    如果下次我整呢, 我會少d cream, 多d奶, 味道清淡d.
     

    回覆刪除
  26. 睇都見到好滑...好好味呀....我都好鍾意食
    [版主回覆07/18/2009 14:20:00]but very 肥呢, 嗰d cream, 不過又真係好好食, 下次減cream加奶, 睇吓點啦!

    回覆刪除