2009年4月11日 星期六

第一次試玩雞包仔 , 靚爐做啡芳

一直覺得, 中式包點比西式的難做好多, 又麵種, 又臭粉, 又鹼水..........


幸得老友預備一切, 做埋餡, 我去得個玩字..........



執包手勢就好bb了, 要靚, 執多三五七百次啦.........還有good fit的蒸架蒸籠, 那裡找呀!


 


見有靚爐, 順便試做一個啡芳, 請大家幫下眼.........蛋白和麵漿有冇問題???


 


哇, set180度, 未入爐前, 紅外線溫槍測到焗盤是200度, 入爐後5分鐘, 焗盤跌到170度, 模子150度.......溫度是很複雜的事, "180度"不是那麼簡單


真的比我個爐好火好多, 5分鐘已鼓起, 我的要多幾分鐘.......



哇, 梳乎利........好驚, 不理了, 堅持!!!



哇, 這狀態, 我的爐已死梗..........



出模了.........冇下陷呀!!! 不過, 糕內仍有兩三個空洞.......是氣泡未清還是內部塌陷?????


我要將我的小爐爐溫調高一點了.......



25 則留言:

  1. 係換左爐啦???
    [版主回覆04/12/2009 18:04:00]美麗的誤會:p

    回覆刪除
  2. 第一次試整雞包仔,好似酒樓果D喎
    [版主回覆04/12/2009 18:05:00]仲差d, 靚的是爆得更鬆的呢
     

    回覆刪除
  3. 中西合璧, 一定玩得不亦樂乎喇.
    [版主回覆04/12/2009 18:08:00]好玩呀, 不過我d西包都未玩得惦, 所以暫時不進軍中點, 否則我日日都唔得惦呀..........都係跟住跟住玩吓先.

    回覆刪除
  4. 我近日買了孟老師的中式麵食書, 都未試呢!!!!
    [版主回覆04/12/2009 18:12:00]久聞大名呀, 我呢, 暫時都係玩住西包先, 我怕玩埋中包, 唔訓都唔惦, 我的假期午睡都少了很多呢! :p

    回覆刪除
  5. 復活節快樂, 個雞包仔發得個樣好好, 又有爆口
    [版主回覆04/12/2009 18:16:00]少少爆, 都ok啦!

    回覆刪除
  6. 你朋友屋企既架"餐" 材料都好整喎~~~ 勁!! 玩吓中式包都唔錯~~
    你個雪芳好好呀, 咁你切開, 入面有冇塌陷!!!??
    [版主回覆04/12/2009 18:16:00]入面有少少孔呀, 都不知怎解呢!

    回覆刪除
  7. 真係發到梳乎厘咁 ~ 冇縮就真係拜託囉﹗
    我曾經睇過一書 ~ 佢話呢倒完麵漿後 ~ 再將個雪芳模內d漿long一long個邊 ~ 等個雪芳模邊黐上 ~ 咁發既時候就會容易黐上 ~ 甩模時會靚d ~ 您有冇聽過呀?不過…我就未試過 ~ 哈哈
    [版主回覆04/12/2009 18:18:00]有聽過呀, 我都試過呀, 分別不是太大呢.

    回覆刪除
  8. 我媽咪成日整中式包架~~~~~~~~~
    [版主回覆04/12/2009 18:19:00]咁勁? 中包好難的呀!

    回覆刪除
  9. Sally Ho 莎莉豪2009年4月12日 下午5:20

    中西都掂,點夠你玩呀.
    [版主回覆04/12/2009 18:20:00]都係跟老友玩吓啫, 我都冇膽自己試, 中點比西點更加難呀!

    回覆刪除
  10. 我個爐都係神神地, 初入爐時會180度... 當蛋糕發起時, 體積大了, 爐溫又會跌番去170度,
    看來, 蛋糕模的大小跟個爐的比例是有關! 似乎你家個爐用你現有的戚風模(17CM?!) 太大了, 所以你一入爐放底層, 結果, 爐溫太高, 所以凹陷哩! 如果你個爐大D, 就算放底層, 爐溫都無咁集中嘛, 我有時見個蛋糕發得勁, 都會放底層架, 但都無問題, 所以用小號一點的模, 放中層, 跟爐的比例配D, 應該會有改善哩!
    [版主回覆04/17/2009 23:59:00]冇法子啦, 我家放不下大爐的了, 好羨慕用了座地大爐和專業大爐的朋友, 我的爐子, 如果放了中層, 只能用迷妳模了........算啦, 用住先啦, 都還可以的呢!

    回覆刪除
  11. 這確定不是你有問題,係爐溫問題喇!
    [版主回覆04/18/2009 00:01:00]好可能係了, 咁我再調高些爐溫, 希望蒙混過關啦......

    回覆刪除
  12. 復活節快樂啊!! 四日假期, 有冇出力玩呢?
    [版主回覆04/18/2009 09:20:00]去了澳門呀, 沒時間再做包了hehe

    回覆刪除
  13. 你的要求很高啊,一两个洞都晤合格!?既然你的烘炉0甘....嘻嘻!!是不是时候要换大d 咖
    [版主回覆04/18/2009 09:21:00]都ok的了, 做實驗而已.
     
    唉, 可惜市面上已找不到這款爐了, 我又不可能換大爐呢!

    回覆刪除
  14. 啊, 你終於知道你家爐子吾夠火呢, 得閒睇定個啦!!! 咦, 咁你咪有兩個爐, 可以做多D, 齊齊入爐呀
    [版主回覆04/18/2009 09:24:00]哎, 不要說笑了, 我家的廚房仔已很擠了, 再放不行了.
     
    這爐嘛, 都用熟了, 再用吓先啦, 市面上已沒有太多選擇..........

    回覆刪除
  15. 不如拿拿聲揾多個妾侍.........享受吓齊人之福啦
    [版主回覆04/18/2009 09:27:00]不好了, 太太會頂我不順呢! 不成因我的興趣霸佔太多空間呢..........齊人之福嘛, "幻想是美麗的, 現實是殘酷的"......王晶名句

    回覆刪除
  16. 呼!終于水落石出嚕~ d洞仔應該係未dun出果d氣泡~
    我做過多次蒸包,手執法都細麻麻地咋!
    [版主回覆04/18/2009 09:30:00]可能係, 不過又次係d蛋漿塌陷..........
     
    中包的手勢, 真係唔簡單, 要跟師傅學, 練幾百次........最好找一塊麵團不停玩.......

    回覆刪除
  17. 我平時焗戚風都係大約5分鐘就脹起起來了,假期啱啱影低左個過程,可以分享一下! 我個爐幾年前買cheap cheap地都係2百多大洋一個,分分鐘平過個戚風模呀!月兄,為左你愛既芳妹...有冇諗過換爐呀?!
    [版主回覆04/18/2009 09:42:00]icic, 等我下次都調高一點火力先. 我的爐子也不太貴, 幾百大洋啦, 我都用開有感情, 再用幾年啦.
     
    等我來睇下妳的作品先.

    回覆刪除
  18. 個包包好鬆軟啊 !  連中式包都整埋, 以後唔洗瞓啦喇 。
    [版主回覆04/18/2009 09:43:00]我都驚呀, 所以去老友處黐吓先...

    回覆刪除
  19. 之前d雪芳失敗之迷終於解開喇!moon哥你快d換個爐啦!
    [版主回覆04/18/2009 09:44:00]哎, 我都想, 不過呢款爐, 市面上已絕跡了, 我的爐雖然老化, 仲ok的, 我都係用住先啦!

    回覆刪除
  20. 返左月球呀?
    [版主回覆04/18/2009 10:02:00]冇錯, 搭火箭

    回覆刪除
  21. 唔係去左泰國呱?
    [版主回覆04/18/2009 22:05:00]我去了吃泰國........菜haha, 泰國不敢去了.

    回覆刪除
  22. 中式包點期實都好想試,但西式包點都未好好掌握的我,都係等Moon哥你試左先!等日好好跟你學野!
    包包睇落已很 pro!!
    [版主回覆04/18/2009 22:07:00]我都係跟老友玩吓啫, 未識自己做, 我都係一樣, 先整好西包.
     

    回覆刪除
  23. 中式包都幾好玩喎, 不過肯定難過西式好多, 你朋友好pro啫, 咁大個蒸籠既~
    真係好似梳乎里....咖啡實在好難做得好味
    [版主回覆04/19/2009 20:50:00]中式包好多細節, 難控制過中包呀! 我老友花了不少心機才找到合適的呢, 可遇不可求呢!
     
    那天的咖啡雪芳都算ok了, 我成日形住, 用我個爐整, 已經死了.

    回覆刪除
  24. A moon, 你朋友的雞包仔好靚呀...參考各方食譜,我昨晚都做這個,但包身淨白度鬆軟度不太好,可以向你的朋友指教一下? thanks!!!!!
    [版主回覆05/29/2009 12:42:00]哈哈, 我都係跟我老友玩, 我自己是不熟手的,
     
    妳可以去問小三, 她熟好多.......
     
    http://hk.myblog.yahoo.com/joeyaysy/article?mid=11351

    回覆刪除
  25. Thanks!
    [版主回覆06/02/2009 08:03:00]幫唔到妳添, sorry

    回覆刪除