2009年4月5日 星期日

初探鬼村鎖羅盤(2)

離開荔枝窩, 向期待已久的"鬼村"鎖羅盤進發.......



走了個多小時, 到了村外, 也是一個很大的堤堰, 可見這村莊當日的規模. 最意外竟然在村口見到一輛挖泥車, 幾個工人, 村內不少地方都見到挖掘堆填的痕跡........奇怪, 難道又要發展了??? 和工人聊起, 說村人在英國賺到錢, 叫人整理一下村地.......真的嗎?


 



進到村內, 只見有十數村屋, 都幾大規模呀, 但全都破敗傾頹, 雜樹橫生, 都幾陰森, 難怪令人幻想, 鬼故連篇.......



鎖羅盤村的山谷特別深入, 感覺上的確比較幽鬱, 這幾間一定是村長的大宅了, 都幾堂皇的呀!


我呢, 怕看鬼片, 但現實中不是很怕鬼怪, 講真丫, 人比鬼可怕得多, 而且我冇乜"第七感", 所以不怕在屋群中轉來轉去.



殘存的雕樑劃棟, 可見當日這裏多富裕.


仲發現一個客家村屋的特點, 就是一入大門的右手邊, 一定是一間浴室, 但是牆壁只起到大約5呎, 再後面是煮飯的大灶, 吓! 如果是我, 一邊沖涼, 一邊阿媽在旁煮飯, 我成個頭突出來, 然後隔離二嬸推門入來找阿媽........哇, 那麼.......


 


 土地公公的神位, 公公都移左民了.
 真不明白這村委會的用意, 不似是提醒遊人, 似是恐嚇多點......".......山澗有大蛇, 毒蛇, 野豬, 山豹, 山狗等.....", 有冇咁誇張呀, 我都想見吓d山豹呀! 出來見吓我啦


翻過山坡, 再行一小時, 到了另一個廢村 - 榕樹凹, 這條村環境開揚, 屋舍整齊, 應該都幾好住的.



這些村落大都是靠船隻作為交通工具, 到鹿頸或者沙頭角都好近.


對岸是大陸的鹽田港, 發展和保留, 永遠都是迷思, "發展就是硬道理"只是一個政治任務, 背後的深遠意義相信連鄧老先生也沒想過.



赫然發現一個廢棄了的基地, 相信是英軍的駐地, 入面有工場, 營舍, 沖涼室, 地下油缸.......我當然去八個飽啦. 至於它的來歷, 就是一個謎了.



離開榕樹凹, 再行一小時, 沿海可遠眺沙頭角海, 十分美麗, 對岸的中方沙頭角, 已是高樓大廈, 港方村民近年都大力爭取開放禁區........



又見這種大堤堰和魚塘, 谷埔的特別美麗, 是人和大自然的巧妙配合. 可惜這村說明不歡迎外人參觀........高竇!



特別愛這些長在天和海之間的小紅樹........行程接近尾聲了.



腳仔軟了, 趕快去鹿頸茶檔仔去吃下午茶啦!!!


8 則留言:

  1. 雖然有雜物, 但水清見底. 環境都很幽美, 那一排屋也不太差. 荒廢了真可惜.奇怪不開發做度假村.
    [版主回覆04/06/2009 10:03:00]沙頭角海都算幾乾淨了, 不過仍有不少垃圾吹埋岸邊.........
     
    那些村屋, 地點太偏僻了, 要出入全靠船隻, 我估做渡假屋都不會有太多生意, 而且投資太大了. 但如果起了馬路, 我看以香港的習慣, 都係會剷平起樓盤........還是由它吧.
     
    其實如果當初政府鼓勵農業, 攪好水電基建, 聯絡公司攪定期航班, d村未必會荒廢得咁利害的吧.
     
     

    回覆刪除
  2. 那間村長大宅是否也荒廢了?可惜呢。其實這些村是我們文化的一部份,值得我們好好保育呀!
    你真的想見山豹嗎?真的遇上唔係講玩架!
    [版主回覆04/06/2009 10:17:00]係呀, 都荒廢了廿幾卅年了, 屋頂也塌了. 妳說得對呀, 他們是我們的根的一部份, 可惜香港是一個無根的城市. 不少人童年長大的地方都消失了, 又或者他們的童年是在城市渡過.
     
    妳知嗎, 日本的城市人, 都很重視鄉下的, 新年和御盆(8月), 都盡量會回鄉的. 如果告訴人他們的鄉下就是東京或者大阪, 他們會覺得好冇癮的, 是無根, 冇氣質的感覺........
     
    哈哈, 我梗係知道冇可能才會大言不慚啦, 香港喎, 冇可能啦, 山狗倒是我們擔心的, 所以我們多數會拿一碌棍或一把傘

    回覆刪除
  3. 我讀中學時有個同學搬咗去梅窩, 交通工具都只係船, 所以她申請咗"例遲"証, 每天會遲到十分八分鐘.  不過以前(好耐以前)梅窩的船期相信會比你這"鬼地方"方便好多呢!
    [版主回覆04/06/2009 21:39:00]梅窩是方便得多呀! 不過自從開了東涌公路, 人們入大嶼山不用再經梅窩, 那處有冷清了.

    回覆刪除
  4. 香港真係有好多這樣的屋呀!!!!
    [版主回覆04/06/2009 21:40:00]多是在新界的東北, 但也不多了.

    回覆刪除
  5. 我間中都會同叔叔帶幾個小朋友由沙頭角碼頭開船到這裏釣魚..以前環境真係好清幽..但係一望倒鹽田港就....><'
    [版主回覆04/09/2009 22:41:00]係呀, 一切都變, 好趁未變時多記下. 不久, 港珠澳大橋開工, 大嶼山北部也會大變了, 鳳園起高樓, 沙螺洞也會大變呢.

    回覆刪除
  6. 話說上年都行過~ 都幾恐怖

    回覆刪除
  7. 鎖羅盤我已經行過多次,最近我再行,已經完全不覺得它有什麼恐怖。
     
    不過到了今年七月後,鎖羅盤村就不準外人進入,要看就要快手了!
    [版主回覆04/28/2009 15:16:00]係呀, 只係好神秘的呢......
     
    吓, 又有地產發展?????? 我見到有工人和挖泥車呀! 唉!

    回覆刪除
  8. 個度都無人住,咁d 村委員又係乜人呀?
    佢地整左個有機農場,種左d 植物,都唔知搞乜鬼?
    [版主回覆04/30/2009 07:31:00]係啦, 古古怪怪的, 不過我總覺得有些動作啦, 那些村委.

    回覆刪除