2009年3月5日 星期四

奇怪的夢 - 巴士

我夢到.......


這天, 和太太去街, 搭的是平日的過海巴士, 上了車, 擠得很, 只好站在下層.


巴士只走了一個站, 到了沙田某屋苑的外面, 大部份的乘客竟魚貫落車.......奇怪, 車子只是剛走了小半路程呀???.........最後只剩下一個胖師奶........


正在納悶, 胖師奶走過來說, 你們怎麼還不下車!? 這架車不是人坐的, 樓上的乘客和司機都是鬼不是人, 我都不是人~~~


我望望司機, 是個面無人色的青年, 有點害怕, 但算了, 車子已開了, 再坐一會吧, 太太反而比較鎮定, 我見肥師奶都不算有惡意, 便聊起來......樓上不時傳來喧嘩聲.


過了一會, 車子駛近獅子山隧道, 我看一看司機, 咦? 無人駕駛!!! 是鬼大哥隱了身, 還是自動駕駛??? 我問肥師奶, 隧道口那麼多人, 妳不怕人發覺嗎? 她說 : 哼, 發覺又怎樣呀, 他們說出去有人信嗎?


車子駛過隧道, 也有些司機眼望望, 不過沒反應, 最後巴士到了一個墳場, 肥師奶下了車, 向墳場的斜路走去, 邊走邊說 : 係咁啦, 我都去打點埋d嘢了.


我們看電視, 赫然見到鬼司機現身說法, 在鏡頭前將面部和身體的肌肉扭曲變形.......曹宏威博士(哈哈!!!)解說, 這可能是神打之類.......只有我知道, 他不是人.......


 


11 則留言:

  1. 嘩....呢篇簡直係兒童不宜呀....睇完都好驚。你又會發咁耐都唔醒
    [版主回覆03/05/2009 22:48:00]係呀, 我的夢又好細緻好詳盡, 真係以為係真的......是在夢中, 醒左就冇事啦.
     
    三級 ......咁勁? 我當時又唔係好驚, 只係覺得好似愛麗斯夢遊仙境 , 我成日都係咁, 慣左.

    回覆刪除
  2. 嘩下﹗做乜發埋d咁夢呀﹗大吉利是啊﹗
    [版主回覆03/05/2009 22:51:00]我周不時都發咖, 幾得意咖, 不過又唔係成日鬼夢, 有時都好似去旅行咖, 好似前晚, 發左去"香港大劇院"看大戲, 好真實的.

    回覆刪除
  3. 嚇死人咩, 無端端講鬼古 !
     
    [版主回覆03/05/2009 22:53:00], 唔係鬼古, 係昨晚的夢啫, 下次有新夢上畫, 寫番個不是鬼夢啦

    回覆刪除
  4. 毛骨悚然.... 怕怕!!
    [版主回覆03/06/2009 12:14:00]我又不是太害怕, 隨遇而安咁啦.

    回覆刪除
  5. 嘩...你個夢咁攪笑,個肥師奶你識唔識?有冇印象邊度見過?!好似d人報夢咁!有時我d夢都好長篇大論,醒左自己諗返都好好笑,因為好無里頭!!!你個夢黑白定彩色?我果d一定係彩色,哈哈哈我記得!
    [版主回覆03/06/2009 12:18:00]唔識呀, 一d印象都冇, 咁至奇. 都唔算報夢, 我d夢, 每次都好離奇, 有一次發夢和太太去旅行, 很細緻的細節都記, 仲記得那個地方叫 " 墨山"..........邊有咁的山, 澳門就有, 墨山巷......
     
    我的夢是彩色的, 一定係.

    回覆刪除
  6. 哈哈.....0甘有無夢過,自己當皇帝呀?
    小時候,記得自己很怕作鬼夢,有一次,夢到到鄰家起左一間屋,很古老的舊式居,兩旁都有樓梯,鄰居仲叮嚀著,千萬不能上左邊的那一條樓梯,見到d人全部都用右邊果條樓梯上下。之後,我貪玩仲走上左邊的樓梯,然後見到有幾只鬼,身穿白袍兼無腳,落樓係瓢住落的追向我來......嚇嚇嚇得我 從夢中警醒,好驚好怕!醒左好一會,好不容易地慢慢...慢慢...睡返......誰知可怕的夢,在剛才被驚醒左果part,再連接的繼續落去,又再度嚇得驚醒了。今次就嚇得真係要叫醒家姐了,(因爲作夢以來,從來沒試過會接反落去的。)同佢講我發噩夢好驚,家姐模模糊糊的話,0甘你睡過我這邊來,同佢蓋埋一張披,至可以睡到天亮。莫講話睡醒後仲記得,我到依家都仲記得一清二楚,問你怕沒???我到依家,都好好好怕見到兩條樓梯的屋,夢中的鬼屋..........
    有時夢過的夢,醒後已經晤記得了。但,到了現實生活中,d事情似係曾經發生過,d地方d憧憬,似熟悉又仿佛有去過......我都不能解答..........不過,倒是覺得,如果體質很躁熱時,就會經常發噩夢,這樣的確是真的!
    [版主回覆03/06/2009 21:50:00]哇哇!!! 我間屋, 真係有兩條樓梯呀
    ........................................................................
    ..................................................
    .................................
     
    哈哈, 說笑
     
    我好少發可怕的夢, 訓唔著就可怕.
     
    皇帝, 我未發過呀, 唔到我控制的, 發到邊, 去到邊啦!

    回覆刪除
  7.  can't stop laughing when reading it.. lolzzz

    回覆刪除
  8. 鬼夢我也久吾久會發, 但係一知道係鬼就會叫出聲, 跟住就醒. 即係話當肥師奶話佢係鬼就會醒, 吾會再有下半部咁得人驚   係囉, 你又會發咁耐都吾醒??????

    回覆刪除
  9. .... 睇都毛管"棟"~~~~
    [版主回覆03/07/2009 23:07:00]哈哈, sorry呀, 我又冇乜驚喎 :p

    回覆刪除
  10. I don't find your dream too scary  because I often have this kind of dreams before festivals like 'Ching Ming' and 'Chung Yeung'.  I do believe that there're ghosts (I had real experiences) and they ususally communicate with ordinary people in this way.  Perhaps it's just a coincident and those 'friends' from your neighboringhood want to remind you that it'll be soon 'Ching Ming'.....  They don't mean to hurt you.....   hahaha

    回覆刪除