2009年3月13日 星期五

十月初五日街的月份牌小姐

澳門2009-1


每次去澳門沙梨頭或爛鬼樓一帶, 都很喜歡走走十月初五日街


這彷彿被時間遺忘了的空間.......也因這樣, 一切舊模樣都避過了"發展"的洗劫, 悠然地在這裏繼續活著.



歷史久遠的英記茶莊........大良李禧記的"虫崩 虫砂", 薑汁撞正宗水牛奶.......南屏雅敘茶餐廳..........黃枝記麵家的老店..........龍鳳茶樓的粵曲歌壇.........


你們猜到 : "秋聲同樂社" 這名字古雅的店子是什麼?



 大寧堂中藥房........我喜歡他的二樓.


 走到康公廟前的空地. 咦? 人聲鼎沸噃.........有什麼活動?


"關前關後, 爛鬼樓" 月份牌小姐選美之夜......!!!??? 我以為只有60年代才會有的呀!


聽司儀問參賽女士 : " ......小姐, 雖然妳不太懂中文, 但是請問妳一些澳門的知識. 妳知唔知三街會館在那裏呀?....."   "我當然知啦(有些外國口音, 很難想像她是什麼國藉), 就在營地大街, 我都成日去那裡呀......."


很有風度的問和答, 我開始想起, 什麼時候香港小姐的答問環節變成玩人環節, 然後我們(包括我)邊罵邊笑?



沿著這石板街走到盡頭........



.......轉出新馬路. 背景的十六浦酒店提醒我, 澳門正"加大力度""發展" , "打造"成為一個稱霸亞洲的賭城.



11 則留言:

  1. 依..你病完啦~~ 仲去左澳門!!!??
    [版主回覆03/13/2009 13:14:00]去年12月咋, 回味吓d舊照咋

    回覆刪除
  2. 你好番啦! D天氣又凍番,take care 呀.
    [版主回覆03/13/2009 19:48:00]謝謝妳呀yc, 我已好番好多, 沒有喉痛了, 只有幾聲咳. 外面好大風呀, 幸好關了窗, 屋裏不太冷. 妳那裡也是北風呼呼吧.

    回覆刪除
  3. 我估秋聲同樂會係"麻雀耍樂館"
    真係好【懷舊】呀. 連選美都舊時樣
    有你介紹我唔使去澳門都認識澳門了
    [版主回覆03/13/2009 19:51:00]哈哈! 犀利呀, 點解妳會估到呀???
     
    秋聲和麻雀, 又有什麼關係呢???????
     
    唔係, 無論我點介紹, 都唔及去親身體驗一下的feel的.

    回覆刪除
  4. Oh... This street is really nice!   "秋聲同樂社", if I still remember well, it's a shop that buy and sell antique stuff.  Am I right?
    When I think of this street now, I can still remember those 'faces' of the shop-owners!  Last year when I was home, I found that their faces got older but their gentel smile is still the same!
    "關前關後, 爛鬼樓" 月份牌小姐選美之夜" it seemed very interesting! Do you know who's the winner? hahaha...
    Now I miss 大良李禧記的"虫崩 虫砂",  so yummy!  The egg tarts of 南屏雅敘茶餐廳 and of course the congees and fry noodels of 黃枝記麵家...... I really feel hungry now! hahaha
    [版主回覆03/13/2009 19:57:00]hehe, 妳也猜不到呢, 我起初見到, 以為是粵曲歌藝社呢, 妳知嘛, 澳門是全世界歌藝社密度最高的城市呢! ....... 那知行近一看小字, 是麻雀耍樂會....
     
    相信妳在這條街留下了不少真實的回憶, 如果有妳帶住我們, 會更加認識澳門街呢.
     
    我又有點掛念澳門添, 唔得找天又去.

    回覆刪除
  5. 多唔多食日本料理 ? 有無好介紹呀 ? 去我度睇下啦 !
    [版主回覆03/13/2009 20:54:00]:p, 香港的我真是很不熟呀, 我是天生的"男"生外向, 手指抝出唔抝入, 京都 ,大阪, 札幌, 小樽倒是有些老相好......呀, 都有一間, 等我告訴妳.

    回覆刪除
  6. 澳門真係得意, 有 d野好懷舊, 但有 d 又新到你唔信 ... 依家酒店就黎多過屋啦 !
    [版主回覆03/14/2009 09:28:00]梗係啦, 澳特首"加大力度"去"打造"嘛!
    澳門本來也是一個發展均衡的小城, 再進一步發展不是不好, 我覺得去到法老皇, 金沙, 漁人碼頭, 應該收掣了.
     
    去到永利, MCM, 新葡京還有填了路氹區的龐大賭場酒店, 已經失衡了.
     
    舊的老店大吐苦水, 很多人都不願腳踏實地讀書做事, 租今又大升, 而賭業收益大部份都落入外國財團和外勞袋中, 滿街都是香港見慣的連鎖店, d消費左手自由行來, 右手連鎖店去, 少少的人工, 落入的可能是來自珠海的外勞姐姐..........澳門的社區則變得複雜和疏離........
     
    現在祖國一聲關水喉, 再一個金融海嘯, 到頭來怎樣.......
     
    hehe, 忽然有感而發, 長氣左

    回覆刪除
  7. 我都係估“麻雀館”。雖然﹐秋聲和麻雀聽起來似係﹐與以前歌舞廳有關。只不過﹐後面加果“社”就...............
    "關前關後, 爛鬼樓" 嘩﹗幾驚你話台上果位香港小姐﹐係你夢中果位........肥婆呀﹗
    [版主回覆03/15/2009 11:42:00]冇錯, 是麻雀學校!!! 不過點解秋聲和麻雀有關係呢?
     
    月份牌小姐是肥婆.......?? 原來妳的偏好是肥美人

    回覆刪除
  8. 我下星期會同D波友去澳門兩日,食吓嘢、行吓咁喇~有乜好介紹呀?
    [版主回覆03/15/2009 11:39:00]澳門市區啦, 如果我去兩日, 我必去的陸軍俱樂部, 祥記麵家, 三元粥品, 音樂豆咖啡.........
     
    如果天氣好, 上大砲台走走都很有趣, 松山燈塔, 西望洋教堂都是很好的散步拍照的地方, 有時間最好漫步上去呢. shopping嘛, 在白馬行馬路都幾好的. 買手信梗係福隆新街啦, 我去鉅記的.

    回覆刪除
  9. Moon哥, "秋聲同樂社" 是鬥蟋蟀。
    [版主回覆03/15/2009 11:33:00]newnew, 這個答案真的很貼切呀, 我懷疑他們前身真的是鬥蟋蟀館, 現在成了麻雀館呢!

    回覆刪除
  10. moon哥, 據聞以前香港是禁賭的,所以打蟋蟀是要到澳門,仲要係秋天。 moon哥你常到澳門,上次歐陽應齋在電視介紹過,有冇去試過澳門一間排檔賣的「發榚」,當時霎時望一望就好似香港己失踪左的「夾餅」。
    [版主回覆04/02/2009 20:10:00]哈哈, 原來如此, 澳門以前連蟋蟀都有得鬥! 我冧"秋聲同樂社", 前身是鬥蟀俱樂部啦, 依家冇蟀鬥, 就鬥雀啦haha~!

    回覆刪除
  11. 果次好似我唔得閒去.
    [版主回覆06/28/2009 23:19:00]哈哈, 咁你走寶喇.......
     
    .....我都係咁o岩經過.

    回覆刪除