2009年2月18日 星期三

不吃不吃 還須吃 - 澳門九如坊

澳門2009


幾年前, 九如坊的澳葡菜曾是我們的最愛......紅酒燴羊膝, 三文魚梳乎厘, 蝦醬炒飯......之外, 那裏的環境和笑面迎人的招呼都令我們很享受.



但自從自由行, 開放賭權, 很明顯見他們的人手短絀, 價錢上升, 食物縮水, 肥仔侍應臉上也少了笑容.........我們都有點意興闌珊.


說了不再幫趁, 但是總忘不了, 而且別處是吃不到的.........


自家製罌粟子麥包, 又香又軟, 真的好好吃, 一上桌便忍不住吃掉.......可不可以order一客打包? 澳門葡菜餐廳的麵包總不令人失望, 尤其這個.


 


香檳醉中蝦.........很香很惹味, 就是沒有香檳味.



這個是令我終須一吃的 --- 焗鴨飯. 吃遍澳門各葡餐聽的焗鴨飯, 都沒有這間好吃, 別處無法比擬. 索滿鴨汁鴨油的飯粒亮晶晶, 又香又鮮又煙韌爽口........



很平凡的賣相, 毫不起眼, 但是......



一舀起飯, 底層的鴨肉露出來, 好惹味, 加上Salami腸鹹鹹香香, 好味呀!!!!!!!




另一樣掛念的是木康蛋糕(serradura), 平平整整的六層, 不是容易做得咁靚, 中間夾的瑪莉餅粉, 幼細得好像灰般, 蛋糕軟滑甘香鬆化, 真是太好吃了, 極品!!!!!!!!


不過, 近年它的size只得早期的2/3, 還取消了葡式蛋絲伴碟......!



吃過這間, 沙利文的也覺甜膩了少許, 不要說"沙度娜"或其他店子的, 用杯子盛著, 表面只灑一層餅粉........有點粗製濫做.



哎, 怎能不一再回來.......雖然這店子真的幾貴.


13 則留言:

  1. 對!每次去澳門總會去九如坊,一大班朋友叫一碟二碟,開心又好味!我最喜歡它的紅酒燴牛尾!我便是在這裡第一次認識木糠蛋糕的,第一次吃...嘩,覺得好好味呢!之後後後,開始有木糠蛋糕的自家製食譜到手,在家都可以做,家人吃過都好開心呀~
    [版主回覆02/18/2009 22:22:00]近兩次都冇去, 今次太掛念焗鴨飯和木糠蛋糕呀.
    紅酒燴牛尾我都吃過, 很大舊和夠淋, 好吃, 燴牛膝都好味.
     
    木糠蛋糕, 要做到咁鬆化, 都不易呀, 我未做過, 因為未明白做到咁平的竅門, 而且, 都幾肥.......:p

    回覆刪除
  2. 碟蝦好吸引呢
    仲有麵包  哇 ~~ 真係感覺到好新鮮呢
    焗鸭飯D飯粒  顏色都好靓阿
    [版主回覆02/18/2009 22:28:00]蝦呢, 都真係唔錯, 當然沙利文的魔鬼大蝦最好吃啦.
    麵包真係好好吃, 是自家製作, 別處冇的呢.
     
    焗鴨飯, 顏色靚不止, 聞到仲香, 食落更好味呀! 禾桿冚珍珠.

    回覆刪除
  3. 下次去 澳門,你帶路~
    [版主回覆02/18/2009 22:45:00]仲可以成個食的檔案送出!

    回覆刪除
  4. 蛇仔生活雜記2009年2月19日 上午9:12

    moon,我星期一打算早船去晚船返,玩足一天,你個blog資料太詳盡,搞到唔知點決擇,有咩真係一定要去食,要去睇同要去玩架呢?我都有成五六年無去過澳門喇﹗
    [版主回覆02/19/2009 11:08:00]嘩咁正可以平日去.......!!
     
    一日只可在市區玩, 吃的地方, 可以send一食的檔案給妳的, 餐廳之外可以在噴水池一帶掃街. shopping呢, 噴水池大都是香港的連鎖店, 反而近白馬巷, 信達城, 天神巷,  daiso十二元店等等都不小潮嘢.........
     
    行呢, 噴水池旁的仁慈堂可上去參觀, 聖母玫瑰堂好靚, 也有寶物庫, 大三巴呢, 就堆滿自由行了, 但係再上去大炮台上看景不錯, 還有上面的澳門博物館好有趣呀, 值得一去.......至於如果喜歡看教堂呢...............不說太詳細了, 到處逛逛就會找到好地方了.
     

    回覆刪除
  5. 嘩, 見到你不斷介紹澳門美食, 真係有d 想即刻去食野呀!!
    [版主回覆02/19/2009 11:09:00]我都想呀, 可惜每天都被困..........

    回覆刪除
  6. 木糠蛋糕的確好肥, 差不多成個是cream 呢 你要開ot, 唯有望吓咁正嘅食物, 解吓困啦!
    [版主回覆02/19/2009 19:51:00]所以我沒有太大衝動做serradura, 最怕是親手做過之後, 會怕了(我做過牛油蛋糕後, 不太吃牛油蛋糕了)........而且, 怎做也不會像九如坊的好吃呀! 唯有回味一下啦!

    回覆刪除
  7. 我都好耐冇去過澳門 ~ 搵個weekend天氣好都要去逛逛先得 ~ 唔水成日留港咁悶
    [版主回覆02/19/2009 19:58:00]係呀, 雖然很近, 但出一出境, 感覺是完全不同的呢!

    回覆刪除
  8. 第一次去都係慕佢個木糠蛋糕而去, 的確係鬆化軟滑, 兼且食唔到cream的味道, 一d都唔覺漏, 第一次食以為係雪糕嚟.
    用唧嘴唧d cream材料落模,圍住個模圓形咁唧向中心,  再篩d餅粉落去就會平d,相信都要好好手勢 一層一層整, 不過自已整始終好大cream味好漏, 最辛苦篩d馬利餅, 要篩好多次,因為果時屋企冇咁多架生.
     
    [版主回覆02/19/2009 20:03:00]我都係呀, 我都係慕焗鴨飯和木糠蛋糕, 仲記得第一次order, 向菲籍女侍應說 : a piece of wood filing cake.......?____?
     
    真係, 又鬆化又軟滑, 吃不出很膩的奶味, 但又好甘香, 早期還有葡式蛋絲伴碟呢!

    回覆刪除
  9. 蛇仔生活雜記2009年2月19日 下午3:49

    好詳細呀﹗Thank you!
     
    [版主回覆02/19/2009 20:04:00]Welcome, 每次吃完都記下的呢!

    回覆刪除
  10. 沙利文的木康蛋糕令我一試難忘!! 好懷念呀!!
    [版主回覆02/19/2009 20:07:00]沙利文也是六層木糠, 它的口感和味道較濃滑, 和九如坊的一濃一淡, 各有各好吃........他的魔鬼大蝦才殺死人呢!

    回覆刪除

  11. 哗!搞到我好想飞过去吃啊!!
    [版主回覆02/19/2009 22:18:00]hehe, 唔好意思呀!
     
    我都是

    回覆刪除
  12. 你响道引到我 . 無計喇, 相隔十千里路雲和月. 無你咁好彩, 話去就去.
    [版主回覆02/20/2009 10:03:00]我都唔好得去邊呀, 咫尺天涯, 每次去完都話找個週末再去, 但是一返工就累得很, 週末都是攤在家中, 還番d睡債......結果一年才去得一兩次咋........

    回覆刪除
  13. Hello my friend Kitty嚟探妳呀 溫馨提示~~~天氣忽冷忽熱, 要小心身體呀

    回覆刪除