2009年1月8日 星期四

澳門粥麵(2)

澳門遊2009


繼續來吧......



肥妹粥品 - "肥妹雖靚, 但有心無力, 唯請客人耐心等候"


河邊新街 8A 地下 近司打口對面



這碗艇仔粥, 真是沒令我地失望, 是澳門粥的滑, 又足料, 好吃!


 本是一間不起眼的街坊店, 經阿蘇介紹, 旺了不少, 不過肥妹仍是很低調, 默默地煮粥.


 

 


又滑又挺的蘿蔔糕, 只加豉油不加醬, 吃出蘿蔔的甜. 澳門人做的蘿蔔糕真行!!!


魚茸燒賣好吃, 腸粉就實左d.



三元粥品


福隆新街咀香園斜對面


 這碗粥, 一定要吃!


粥底的鮮和滑堪稱第一, 鬆軟有咬口的肉丸和牛丸, 豬丸有豬味, 牛丸有牛味!



糖芯皮蛋一絕, 豬潤粥的豬潤很爽滑又少少起沙, 唉, 什麼深水埗豬潤即食麵.......唉.


不過, 千萬不要聽他們的, 不要吃油炸鬼, 又冷又硬.



今年見師傅已轉了職位招呼客人, 正培訓新師傅, 希望他們一直堅守下去.



雅馨緬甸餐廳


三盞燈飛能便度街


 三盞燈附近, 是一個緬甸歸僑的小社區


很出名, 第一次吃緬甸膠兜醬油撈麵, 不算鮮甜入味, 一般而已



不甘心, 再吃出名的魚湯米線和酸辣湯米, 嗯, 總是覺得欠了點火候, 不夠鮮, 酸和辣.




武二廣潮福粉麵


新口岸帝景園地下E-D舖


開在新口岸酒吧區的粉麵店, 多年了, 也是異數. 其實去的原因除了清清腸胃, 是掛念附近La Comedie的心太軟, 可惜La Comedie也已名存實忙了, 沒有法國甜品了


武二的的粉麵其實一律是清湯底加肉碎炸蒜粒和蔥花, 都算清甜可口的, 我愛吃雙層肉丸. 加一兩隻甜辣椒仔, 辣得爽快.



都可以一吃的.


11 則留言:

  1. 你同moon嫂真係食左好多野下喎... 我買左新玩具... heeeee...
    [版主回覆01/08/2009 17:11:00]天天都是吃睡逛嘛.........不能盡錄
     
    好, 我來看看

    回覆刪除
  2. 全部都係我鍾意食的. 我未開飯呀. 已經好肚餓, 睇左重肚餓. 要快d煮飯先得啦.
    [版主回覆01/08/2009 20:53:00]我都好掛住呀, 香港吃粥粉麵都好多選擇, 但澳門的自有一種特別的街坊老火味......

    回覆刪除
  3. 嘩嘩嘩!引死我啦,蘿蔔糕,魚茸燒賣, 腸粉係我的最愛。可憐我正在樓下焗緊急凍的千層麵咋
    [版主回覆01/09/2009 07:49:00]唉, 我都知了, 妳幾時有機會去一次呀. 連我都未試晒呀, 例如楊六牛雜粥......
     
    唔緊要啦, 妳返黎時吃個飽吧!
     
     

    回覆刪除
  4. 你突登去澳門試晒所有 粥粉麵 呀 ?
    [版主回覆01/09/2009 07:44:00]當然是..........唔止啦, 我仲食左好多其他嘢呀!

    回覆刪除
  5. 我家姐出書啦!!
    [版主回覆01/09/2009 07:44:00]期待已久, 一定捧場! 係咪各大書局有售呀?

    回覆刪除
  6. 我睇見碗艇仔粥就真係 !!! 好正啊!!! 你真係食咗好多好野喎, 人生本該如此--享受
    [版主回覆01/09/2009 08:09:00]未算未算, 都未上主菜和甜品..........
    今次少了掃街呀, 因天天睡午覺.

    回覆刪除
  7. 蒸蘿蔔糕我最鍾意~
    唔該攪番個馬交為食團呀~
    [版主回覆01/09/2009 20:04:00]澳門大多數的蘿蔔糕都好好食, 又挺又滑又甜又多蘿蔔........
     
    妳第時去, 我send個我的食之紀錄啦, 其實我都係拿住幾本書, 每次吃一些再發現一些的.

    回覆刪除
  8. moon, 你可以出本书叫 讲饮讲食 啦, 讲解得好仔细啊 !
     
    [版主回覆01/09/2009 20:05:00]唔得唔得, 其實市面上有好多澳門書, 更加詳細, 有些亦很有趣味呢!!

    回覆刪除
  9. 深水埗豬潤即食麵一般o者,d豬潤都唔夠爽滑,有d似細個時媽媽煲的豬潤水.點解你可以食咁多野o既?到底你一日食幾多餐?
    [版主回覆01/09/2009 20:32:00]冇錯冇錯, 英雄所見略同. 是"淥"得太熟, 加上麵底是用公仔麵, 有點求其吧.........
     
    我呀, 好有策略呀! 早餐食清d, 早粥, 午餐豐富d, 下午掃少少街或下午茶, 睡過午睡, 晚上吃麵/粥/甜品, 一日四餐倒啦, 冇以前一日六餐咁勇了.
     
     
     

    回覆刪除
  10. D粥好綿咁喎.
    [版主回覆01/09/2009 20:34:00]仲好滑, 粒粒米爆晒花, 但絕對冇加米粉米碎的漿糊感.

    回覆刪除
  11. They're all my favorite food stores!  The quality is still as good as before!!   yummy yummy
    [版主回覆01/23/2009 23:18:00]每次去澳門都吃很多粥麵, 回家後就很懷念呀!!

    回覆刪除