2008年11月22日 星期六

初上釣魚翁

這天, 讓我真真正正結結實實的行一次山! 雖然平日連運動都冇, 我仲好得喎!


西貢三尖之一的 --- 釣魚翁, 我鍾意呀! 我喜歡這種遠離塵世的感覺!! 也喜歡在頂峰上有點腳軟軟的畏高感.


"山舞銀蛇, 原馳蠟像, 欲與天公試比高"



一場來了, 反正腳軟, 就讓我軟個徹底, 嘩! 又怕又做, 企躉真係好爽!


不是我們變態, 你們可看到上圖中, 山頂標高柱上也有另一個人!!?



哈! 那又怎樣? 去! 只在此山中, 雲深不知處........



山在自己的影子中......



下望清水灣二灘, 這麼近, 那麼遠.......



回程中, 見將軍澳密密麻麻的樓宇, 浸沒在灰濛濛的濁塵中, 好可怕呀! 哎, 我也不是每天都一樣嗎? 唉~~~



登山前, 到布袋澳豪一豪, 吃個午餐!



帶子是大了, 但蒸得過了火, 有點韌.........嗯, 敗筆.



其他的飯菜就很好味道, 老友, 飲杯啦, 明日愁來明日當, 人生得意須盡歡!!


 
 


行完了很想立刻和你分享, 是傻人嗎?


9 則留言:

  1. 個山真係幾尖啊! 西貢的山真靚!
    [版主回覆11/23/2008 13:54:00]係呀, 遠處看, 它是釣魚翁(一種長嘴海鳥)的喙, 可以想像它的尖!!!

    回覆刪除
  2. 咁你都夠胆企上去???比我實嚇到自己跌落黎 咁你有冇上到山頂呢??? 食飽去行, 吾錯播可以消化消化, 咁行完係咪再去搵食呢?????
    [版主回覆11/23/2008 14:13:00]我都腳軟呀, 第一下要行友扶一扶呢! .......我都唔敢表演金雞獨立, 旁邊是百米斜坡, 一個不小心變死雞:p
     
    個日是吃完才行, 真係飽得好辛苦, 冇法啦, 一於要吃飯!! 我當然有上頂啦, 唔係點企躉呀

    回覆刪除
  3. 釣魚翁很尖的, 次次看到都有種"點可以行到上去"的感覺, 你都好利害, 相信你的un力還可以戰勝多個難度高的山頭呢.
    [版主回覆11/23/2008 14:16:00]行吓行吓又唔係好覺的, 只是攻頂那段手腳並用......
    .......我都ok呀, 呢兩三年都行了蚺蛇尖, 八仙嶺, 鳳凰山, 大刀屻.......都算是代表作呢. 下個行邊度好呢???

    回覆刪除
  4. 我上次行到半山要番轉頭,只因上之前見到佢真係好直,我呢D畏高低能仔,響呃唔到自己既情況下,真係上唔到。D friends話我連巴基斯坦d山都行到,有咩理由連釣魚翁都上唔到。大佬,畏高係心理病黎架嘛,巴國d山呢,唔覺唔覺就已經爬升左七百幾八百米喇﹗釣魚翁,咁就成為左我既遺憾喇﹗
    [版主回覆11/23/2008 17:37:00]傻啦, 畏高又不算什麼, 正如有些人有敏感症, 例如對花生敏感, 不能吃花生, 不吃便不吃啦! 沒什麼的.
     
    或許有一天妳身體狀態好fit, 再試會成功也不定. 行山, 志在樂趣啫.
     
    話時話, 我都腳仔軟呀, 當時.

    回覆刪除
  5. 哈哈。。。爬得上山頂,都算好野呀!
    換囘係我,落山睇怕要人擡呀~
    [版主回覆11/23/2008 17:38:00]我喜歡行山的呀, 又清靜, 又有點挑戰, 又可睇靚景.

    回覆刪除
  6. thank you for sharing. the food looks so delicious!!
    [版主回覆11/24/2008 09:35:00]謝謝來探我呀!

    回覆刪除
  7. 学生时候都爬过山,而且仲住左一晚,半夜时分是非常非常的冻。
    站在云端上感觉,就好像万物在你脚下,一个字形容 ~ ~ 爽!!
    依家叫我去 ~ ~ 咪搞我!!
    [版主回覆11/24/2008 12:04:00]真係好爽呀, 所以我一路都有行山囉

    回覆刪除
  8. 你就好啦咁有閒情逸致去行山,單單睇相已經覺得心曠神怡
    [版主回覆11/26/2008 07:37:00]一年都冇幾多次機會了, 所以有得去一定去呢! 秋冬行山真係好舒服的呢!

    回覆刪除
  9. 好爽喎,第我出山時迫書僮同我去先﹗不過書僮實唔肯係布袋澳食海鮮……
    [版主回覆11/27/2008 16:01:00]到時預埋我呀 , 秋高氣爽, 好爽呀!!! 點解他不肯呀, 是否他煮得更好呢??

    回覆刪除