2008年11月27日 星期四

大戲和燒鵝

這個秋天, 終於可以再來石澳, 原來剛剛是天后寶誕的神功戲, 好親切呀.



你知嘛, 小時候, 小鎮一年有五六台大戲, 最大台的是侯王廟, 還有創龍社, 關帝廟, 洪聖廟, 廟仔頭........是地道的節慶


在不同的大空地, 搭起戲棚, 小朋友不是太在意看戲, 只是喜歡去湊湊熱鬧, 鑽戲棚, 好奇地看鄉土的零吃和神功戲特有的玩具, 多麼想吃一串酸木瓜, 買一把小木劍........只是看, 沒錢呀, 看看也是好的......


一個阿伯, 叫靚次伯, 怎麼大人總是為最悶的六國大封相喝采? 還有文千歲, 李寶瑩, 石燕子, 人人都讚梁漢威年輕好戲, 李香琴是明星呀, 怎麼也來唱戲......


如夢如幻的童年, 真是經歷過嗎?



偌大的石澳戲棚, 涼風習習中, 遠處漂來嬝嬝的鼓樂聲, 二幫花旦正慢慢一板一眼的唱出.......是"火網梵宮十四年", 街坊們閒悠悠的坐著看戲.........鄉土氣中流露一派悠然, 好像不屬於這個躁進的年代.

 


真好呀, 還是那些零吃, 可是我不會再渴望吃了, 只買了一盒龍鬚糖.    小木劍也變成塑膠劍.


 


來石澳的主角, 當然是這碗大排檔燒鵝麵啦!



可惜炸魚皮已換了厚身的, 再吃不到從前又薄又脆的.......老闆說薄身的碎得太利害, 不肯入貨........



大家沒看錯..........這是石澳的地標 : Fook Lee Store的招牌



陳伯的茶檔, 也是另一個好去處.......



一杯奶味, 茶味, 糖味配合得剛剛好的奶茶外...........最享受是陳伯小檔中午關門休息至2:30才開門的氣派.



10 則留言:

  1. 樣樣都岩我食, 可能係我太為食...
    [版主回覆11/28/2008 07:43:00]咁我咪一樣............

    回覆刪除
  2. 石澳都好似幾好玩 .
    [版主回覆11/28/2008 07:43:00]都唔錯呀, 不一定要游泳, 和大小黃生去吓啦

    回覆刪除
  3. 我以前也跟媽媽去過青衣戲棚睇大戲呢,我還記得戲名是帝女花。
    跟許多小朋友一樣,我帶著弟弟在棚外買零食和麵粉公子,至於戲嘛,我睇了第一幕和最後一幕。
    試過有一次在我以前的公司請了一班人回來唱粵曲,我的一位男同事看了半晚後有感而發,他說:為何每首歌都係死人'lam"樓架?他的話令差不多訓著的我笑醒。
    [版主回覆11/27/2008 23:32:00]好懷念小時候的鄉間生活, 可是現在已沒法回頭了, 成了城市人, 不過我的內裏, 仍是當天的村童......大戲不知不覺藏在我的記憶中, 不過, 因為返工, 那有閒情和時間回去聽大戲.......?
     
    嗯, 係呀, 所有巨著, 都是死人冧樓, 中國戲已算大團圓了, 君不見"齊歡唱....呀 丫 啊 呀"....... , 或者, 吃喝玩樂, 都不能感動人啦.
     
     

    回覆刪除
  4. 做神功戲都幾辛苦, 晌室外無冷氣, 尤其係盂蘭節那些時候, 熱到飛起.
    [版主回覆11/28/2008 16:15:00]係呀, 戲棚生涯, 冬凍夏熱, 好辛苦的呀, 所以石澳這台秋戲很好呀, 涼浸浸!

    回覆刪除
  5. 好似去了石澳一日遊咁............正!! 看了以後也鈎起了很多童年往事 (更正: 雖然話童年往事,其實我唔係咁老 ga 咋 !!你...我就唔知 )
    [版主回覆11/28/2008 16:18:00]只是同事剛好得閒, 去打左個round啫.
    哈哈, 我.........當然很年輕啦, 以前.

    回覆刪除
  6. D 相唔錯喎~~
    [版主回覆11/28/2008 16:19:00]好耐冇探妳了, 好嗎?

    回覆刪除
  7. 我細個都睇好多大戲架... 放假入石澳行下都好喎~ 你介紹果d地方係咪好易見到架?!
    [版主回覆11/28/2008 16:20:00]好易找呀, 行入石澳村條路, 沿途見晒! 去行吓啦

    回覆刪除
  8. 我仲以為自己去錯地方添, 原來你同自己個家做了新裝飾! 我最鍾意嘅燒鵝河同炸魚皮啊! 厚薄吾緊要, 賺相好似好正呀, 你吾好咁嘴刁啦!
    [版主回覆11/30/2008 11:53:00]hehe , 換冬裝了呀, 靚嗎?
     
    不是呀! 當妳吃過薄魚皮, 妳就知了, 入口酥化, 還有細細的pik lik pak lak的聲音.......厚魚皮很多地方都有, 不過真的差好遠, 最可惜的是, 第二處找不到, 我同老闆講過, 可是他仍是入厚的, 下次不用吃了.

    回覆刪除
  9. 真係好有親切感!  記得細個時好喜歡去戲棚, 都吾點解細細個會喜歡睇大戲, 可能覺得好熱鬧, 又可以買野食。
    [版主回覆11/30/2008 18:44:00]係呀, 那是細路哥的好奇心和玩樂呀, 漸漸印在記憶中, 點只呀, 仲會學番幾句...."飄渺間往事如夢情難認........"
     
    有機會放幾日假, 回去聽大戲, 要行侯王廟那條竹橋........

    回覆刪除
  10. 貼左在牆紙,好有氣氛呀!
    小時候也很喜歡跟爸媽去"波地"(球場)的臨時戲棚看大戲,尤其愛中途換佈景落幕時,因為亦是買零食時間。
    [版主回覆11/30/2008 22:30:00]冬天到了, 換個冬裝.....
     
    大家都有一幕相似的童年 , 總比現在, 打機, 打機, 打機的童年有趣.

    回覆刪除