2008年10月24日 星期五

涉谷區 神宮前 三丁目 3-27-4......迷失東京

你們試過在日本拿著地址找地方? 我們是第一次..........那可真是一場好好玩(或被玩)的迷宮遊戲呢!!


事緣是太太在日本發現一間時裝店, 香港也有分店但超貴, 日本可抵買得多, 所以嘗試找它的總店,


首先我在網上找到了它的地址和一幅很簡陋的地圖, 這幅地圖, 簡直是一幅抽象畫



地址是 :


涉谷區 神宮前 三丁目 3-27-4......



迷宮遊戲開始了..........


首先, 日本的街道, 大都是無名的!!! ........你永遠不知走在什麼街道, 甚麼"表參道", "竹下通", "御堂筋"都只是別名, 不會有路牌門牌 (駕車的道路標誌反而有道路名), 你不要期望可以像香港, 知道自己站在彌敦道找123號.



他們的地址哲學是這樣的 : 他們是將地區像切餅或砌 puzzle 般拼起來的......他們將像油尖旺那麼大塊的神宮前地區, 隨意界成幾個大區, 再界成小區, 裏面再界成小小區.


什麼三丁目3-27-4(即第三區--27小區-4小小區), 千萬不要以為順序便可找到, 當妳花了半小時, 在三丁目中找到了3-26, 滿心歡喜的向前走, 下一條街的燈柱上寫著 :3-20!!!!


最後一提的是, 千萬不要真的在涉谷區找"涉谷區神宮前", 這裏其實在原宿!!!



永不放棄, 太好玩了.......or被它玩, 和太太在大迷宮中再走半小時, 終於在一條小街找到了!!!!! Vanilla Dew.......不要問我是什麼街.


我好滿足呀!!! 太太也可滿足地購物了.



附近出名的原宿竹下通, 人潮, 潮人.........唉, 我終於迷失在東京了!!!



(其實日本人早已發明了聰明的方法, 所有介紹地方的, 都附上詳細地圖, 這反而令日本的地方特別易找呢!)


16 則留言:

  1. 是否3區27巷4號?
    [版主回覆10/25/2008 23:40:00]不是呀, 係就好了

    回覆刪除
  2. Fatgarfield 肥加菲2008年10月25日 下午2:37

    Oh, we've had lots of trouble trying to find addresses in Japan!! They have a very confusing system, that's why you need a map that says 'this building', 'that building' and you try to look for the building, not the street...
    [版主回覆10/25/2008 23:44:00]係呀, 千萬不要拿著地址去找地方呀, 幸好日本的雜誌/網站一定有地圖呢!
    日本的地址系統是一大區, 一中區, 一小區的劃分, 而且一區一區是不跟次序的, 很多時連他們的郵差也分不清呢!

    回覆刪除
  3. 玩數字遊戲呀
    最後那張相咁熱閙咁多人, 是日本街頭節嗎?
    [版主回覆10/25/2008 23:46:00]好好好好玩呀!!!!
    最後的是出名的潮人購物區.......原宿竹下通.......我入到去, 人家以為我是兒子帶來的

    回覆刪除
  4. 最後一張是不是在竹下通拍??
    到最後找不找到間SHOP?
    [版主回覆10/25/2008 23:48:00]係呀係呀, 最後............皇天不負有心人呢!
     
    我都好開心不負太太所托.

    回覆刪除
  5. 照你所言,遊客在日本不要看文字的地址,要看畫公仔畫出腸的地圖,這方法啱我不識字的文盲
    [版主回覆10/26/2008 18:20:00]對了, 日本好喜歡圖片公仔, 地方有地圖, 叫野食有模型, 照片, d烘焙書都係好多圖解, 唔係好駛識字

    回覆刪除
  6. 最後那張相好嚇人, "人山人海"啊!!!!!
    [版主回覆10/26/2008 18:25:00]hehe, 大約和"女人街" 差不多啦, 香港見慣大場面啦, 不過我不太喜歡人多的地方.

    回覆刪除
  7. 哈哈哈... 試問有邊個未試過'迷失在東京'呢??? 我4月時去東京, 行程中60%都是在'迷路'!! 今次由於無時間'迷路', 去之前找定晒出口, 結果就大有進步, 少過3%的時間在'迷路中'! 不過話雖如此, 我竟然會晌離開'京王百貨'之後迷路, 由於趕著去Henri Charpentier tea, 結果死死地氣搭了一個站去返新宿三丁目, 你話係咪好離譜呢!!! 之不過, 當晚我同剛移民了法國的日本朋友說我在那裡迷路, 她竟然說她可能都會啊! 因為附近實在樓多人多車又多!
    [版主回覆10/26/2008 23:17:00]係呀, 東京的發展較久, 而且日本的樓房一般都是較細少和密麻麻的, 不像新興城市四四方方一塊一塊的. 不過, 街巷複雜的城市, 較有魅力的, 最重要是治安好呢!
     
    哈, 新宿地鐵站!!! 包括都營和metro兩個地鐵公司6個站 - 兩個" 新宿 "站, 互不相通, " 新宿西口 "和" 西新宿 "站互不相通, 還有" 新宿三丁目 "和" 東新宿 ".........如果在地下街找, 真係不辨上下東西呀! 不過, 最後都找到的
     
    我有一個秘密武器, 就是完善無比兼免費的網上地圖:
    http://www.mapion.co.jp/

    回覆刪除
  8. P.S. "涉谷區神宮前", 這裏其實在 原宿 !!! 這個我知, 因為4月時去的'上下西 東 '就在那裡! http://hk.myblog.yahoo.com/cheukmy/article?mid=1533 看第一張相...
    [版主回覆10/26/2008 19:19:00]哈哈!!!
    我看到兩幅相中一個相同的招牌 "コミックとインタネトカフェ"
     
    原來是在"竹下通", 不過, 上ル下ル西入ル東入ル, 在3-25-8, 我怕找到後已打烊了.....
     

    回覆刪除
  9. 無意中逛到你個 blog, 見到你呢編 blog, 令我諗起我上個月中0既日本之旅都有你個情況發生, 我搵個地址係 東京都目黒区緑ヶ丘2-6-11, 但行過去 2-7, 以為隔離係 2-6, 點知去0左 2-9...  , 最後都係差唔多用0左半個鐘先搵到 2-6  
    [版主回覆10/27/2008 22:40:00]你好呀! 原來你也有這經驗, 日本的地址, 真是玩死人呀.
     
    目黑綠ケ丘有什麼好玩?

    回覆刪除
  10. 好驚呀! 我睇地圖都唔叻,我實會迷失在東京了!!
    [版主回覆10/27/2008 22:40:00]妳有honey呀, 他是活動地圖啦

    回覆刪除
  11. 噢﹗咁晒我呢d路盲啊﹗
    [版主回覆10/27/2008 22:56:00]妳也有書僮做人肉GPS呀

    回覆刪除
  12. 呵呵 ........下次攜帶GPS,晤洗日本通痲嘛~
    [版主回覆10/27/2008 23:00:00]哈哈, 可是, 日本的GPS地圖, 也是日文的呢! 要去"自由が丘スイーツフォレスト" , 怎算?





     

    回覆刪除
  13. 我係地圖盲 .
    [版主回覆10/27/2008 23:01:00]妳都有honey喎!

    回覆刪除
  14. 目黒区緑ヶ丘 有 sweet forest, 而我要搵0既地方就話0係 sweet forest 附近行 3 mins 會到, 係一間賣蛋糕模具0既鋪頭…不過佢講0既 3 mins 同我0既 3 mins 差好遠,差0的蕩失路(唔識日文冇得問路)… 不過最後都搵到~ 但另一日, 我去到竹下通附近搵0既食, 0個次就搵唔到想去0既鋪頭, 行到我發0西脾氣,最後都要放棄… 但我覺得都係幾好0既經歷~
    [版主回覆10/28/2008 20:52:00]原來是 Sweet Forest!! 我都去過呀! 永井春男的Le Souffle, 川口行彥的Origines Cacao..........
    http://hk.myblog.yahoo.com/amoon-littleworld/article?mid=5806
    http://hk.myblog.yahoo.com/amoon-littleworld/article?mid=12585
     
    哎, 它的地址是綠 ケ 丘, 但是, 其實它是在自由  ケ 丘呀! 真的又是比它玩死了. 係呀, 如果不是趕時間, 找路也是一種樂趣,  I like it!!

    回覆刪除
  15. A moon 你真係好有耐性,如果是我家大官早早已發脾氣要放棄了!所以我地去東京都沒有指定去找那間店,都是本著隨緣的心情到處逛.
    [版主回覆10/28/2008 20:57:00]找路是我的興趣, 一邊走一邊看, 患得患失, 山重水復, 柳暗花明, 好好玩呢, 加上太太喜歡shopping, 所以一起有共同目標.

    回覆刪除
  16. 旅行一大樂趣就喺呢到, 搵到嗰種滿足感真係好大...咁你太太應該收獲豐富喇!!
    [版主回覆10/29/2008 11:52:00]係呀, 在知與不知之間, 找找吓, 碰碰吓, 幾得意呀, 太熟的地方反而冇咁有一種驚喜感覺.. 太太都買了幾件心水呢.

    回覆刪除