2008年5月25日 星期日

第一次銅鑼燒

很多很多年前, 我第一次到大阪旅遊, 在心齋橋, 我們到一家很普通的餐廳(Mitsuya)吃下午茶......永遠記得, 我點的很普通的hotcake上, 竟精緻地烙著一朵小花......


從此日本的精緻文化, 也烙在我的心頭.......香港, 連"克戟" hotcake (不是pancake) 也早已消失了.



銅鑼燒(dorayaki)也是我的dream cake, 你們知道為什麼?


因為自小我已是叮噹迷(哈哈, 露了年齡), 叮噹最愛吃銅鑼燒, 他的真名不是叮噹, 是叫Doraemon(銅鑼右衛門)......雖然我仍喜歡叫他叮噹.


小時候看漫畫中叮噹大吃銅鑼燒, 我很羨慕呀, 那時根本沒得吃.



想不到今天可試做.


謝謝小四的食譜, 不過我是用三隻蛋(180g), 和沒加豉油. 紅豆茸是用十勝產幼滑紅豆餡(ねりあん), 下次可以選用粒粒紅豆餡(つぶあん).



不要小看銅鑼燒, 源吉兆庵的"津彌(Tsuya)", 和神戶本高砂屋的"金銅鑼(Kindora)", 可是高級燒果子呢......看去, 我的也似模似樣, haha.


數羊羊......



呀, 今次很激氣呀, 早上做了一底燒餅, 竟是很鹹的, 還錯怪了原食譜中的豉油......原來....


......是我買的pancake粉, 加了很多的鹽份, 吃三片就已攝取了一天的21%鹽份!!! 作死了!



就是這隻最常見的pancake粉. 買它吧, 如果妳想吃鹹pancake!!!


 


後來用了森永hotcake mix, 好味好多呀!


21 則留言:

  1. 好靓呀
    [版主回覆05/26/2008 14:04:00]thanks ar

    回覆刪除
  2. 好可愛呢…
    [版主回覆05/26/2008 14:05:00]多謝多謝, 你又試吓!

    回覆刪除
  3. 好靚呀﹗好似係街買的一樣呢﹗多謝呀﹗老友……
    [版主回覆05/26/2008 14:07:00]還是不錯吧! 我都覺得很有成功感,
    不過逐個煎, 又要拿住個pan調節溫度, 手臂好累., 可以練手力.

    回覆刪除
  4. 收到羊烙烙咁快就整佐羊仔銅鑼燒啦﹗好靚呀﹗大小均勻,可愛呀﹗
    [版主回覆05/26/2008 14:09:00]hehe, 都有廢品的, 煎了20底, 失敗了3幾個啦, 都吃得的

    回覆刪除
  5. 你做乜要用現成粉呀 , 入面貢多添加野  ,自己調較嘛 , 較定用個樽入住 , 幾時整都得 
    [版主回覆05/26/2008 14:10:00]哎, 因為我未做過銅鑼燒, 或這pancake, 所以沒有recipe呀, 如果有請告訴我. 或者我又問吓老友.

    回覆刪除
  6. 豉油只是『整色整水』的作用,不放也沒大問題。
    但我知道正宗的食譜應該加上『重曹』,你下次試下!
    不過你用上十勝產的紅荳蓉,一睇就知你果然是識食之人!
    你做的紅荳餅直頭和 源吉兆庵有得 『輝』啦!
     
     
    [版主回覆05/26/2008 14:18:00]沒放也幾深色, ok呀
     
    重曹即是baking soda, 我沒有正宗食譜呀, 等我search一下先.
     
    幸好citysuper有紅豆餡賣, 十勝紅豆好綿, 但不是太香的. 源吉兆庵.......哎, 等我放工去買個比較一下先, 我迷上dorayaki添!

    回覆刪除
  7. a moon,
    你的銅鑼燒好靓呀 , 师傅级
    [版主回覆05/26/2008 14:19:00]不是呀, 我是第一次做(應是第二次), 妳也可試的呢!

    回覆刪除
  8. 好靚啊! 我也有買森永hotcake mix, 但係用o黎做pancake + maple syrup 做早餐...
    [版主回覆05/26/2008 14:22:00]hehe, 不難做的, 要試幾次火力吧.
     
    森永pancake, 好吃呀! 但妳知不知怎做好厚的hotcake?

    回覆刪除
  9. 你做得一點都不"似模似樣",正確黎講係"一模一樣"。
    做得很好啊...非常吸引!
    [版主回覆05/26/2008 14:24:00]不是不是:p, 我都想買個名店的試一試, 以前吃個, 忘了味道呢!

    回覆刪除
  10. 真係好靚啊!加埋隻羊仔就更加 cute 呢! 你吾試吓揾個Moon 字印或月亮印?? Betty Crocker 那個pancake mix 是咸的嗎??? 我吾知有咸味 pancake 播??? 咪好難食?????
    [版主回覆05/26/2008 14:33:00]我都很滿足呀, 不過等我買d名店的試試先, 還有美心/奇華的, 等我比較一吓先.
    BC  pancake!  是甜呀, 可是很鹹, 吃到我丫. 害我做了第二盤麵漿, 不加豉油, 一試, 一樣咁鹹..........倒了, 浪費了材料  

    回覆刪除
  11. 煎得好靚ar,仲有羊羊烙印,真係好cute
    [版主回覆05/26/2008 14:34:00]真是很不錯的呢, 教堂, 茶杯......都好吸引的.

    回覆刪除
  12. 第一次就做得咁好!比個good你! 睇見你話食落咸咸地...我以為你落鹽當糖添! 哈哈哈! 你隻羊邊度買呀?!訂架?!
    [版主回覆05/26/2008 22:36:00]hehe, 玩玩吓咋.
    個鹹dorayaki, 不能吃呀! 哎, 下次我自己開粉試試
    隻羊是朋友代訂的, 也可買一本日本雜誌Felissimo, 有訂購方法的.

    回覆刪除
  13. 我有喎  ,不過我冇整過 , 只係知個粉點較 .
    [版主回覆05/26/2008 22:36:00]可分享嗎?

    回覆刪除
  14. 我有hot cake mix..有烙印。。不過無味淋。。要買埋先可以整呢。。
    你整得好靚。好靚啊。。羡慕死我啦~
    [版主回覆05/26/2008 22:37:00]冇味醂, 我相信都可以的. 你又玩吓啦

    回覆刪除
  15. 估唔到你做銅鑼燒比女兒家還要靚呵~
    [版主回覆05/26/2008 22:42:00]靚, 是不分男女的呀 .......我說的是銅鑼燒!

    回覆刪除
  16. 很專業,很美味!有外型更有內涵,多謝!
    [版主回覆05/26/2008 22:44:00]那裡是專業呀, 是專門不務正業就真
    我真係夠晒肥大肉厚呀!

    回覆刪除
  17. 我要做叮噹妹妹叮玲呀!這樣日日都有豆沙餅食喇!
    [版主回覆05/26/2008 22:45:00]那妳就是叮玲哥了 , 我都想有叮噹做哥哥呀!

    回覆刪除
  18. 製作過3次的銅鑼燒,一次用森永,2次用日清。外表看還行,但始終還是不夠外邊賣的好吃
    [版主回覆05/27/2008 09:28:00]日清pancake粉, 未見過添
     
    銅鑼燒的食譜前很多版本的, 材料差不多但份量各有不同, 網上一search便有不少. 加不加豉油, 加梳打還是泡打, 加多小水, 加多少蛋, 用中粉還是低粉.......
     
    我今次沒有加足4蛋, 而有些食譜是3蛋但是加水的........我也想自己開粉試, 不用pancake mix. 還有我想用黑糖.

    回覆刪除
  19. 個粉料打左係我凍橙度啦  ,,希望你鐘意啦.......
    [版主回覆05/27/2008 09:29:00]謝謝呀, 我看了, 等我記下先.
    我有一個問題呀!

    回覆刪除
  20. 好靚嘅銅鑼燒呀! 引到我都想做呀!! 可以考慮吓明晚試做, 咁夜晚可以有小吃了.
    [版主回覆05/28/2008 07:56:00]不是太難的, 只是要慢慢煎, 逐個煎, 考耐性, 和浪費頭幾片做試驗品啦.

    回覆刪除
  21. 好靚吖影得.
    你不會是..............放在地上拍吧!?
    [版主回覆09/22/2008 15:31:00]哈哈, 怎會放在........是窗台上放了一塊白色的膠鉆板呢, 平時我是用它來搓麵團的.
     
    唉, 可惜的是, premix的班戟粉不好吃, 但自己開的粉又很快變硬~~~~

    回覆刪除