2008年3月8日 星期六

午前的尖尖雜果仁麥包

一天能偷空, 一天都想做包, 本想做個蛋糕底明天做shortcake, 不過不知為何, 不由自主的又做起包包來......


上次的麥包麵團, 不過沒有加麥麩, 果仁用了南瓜仁和開心果. 果仁和麥味最配合.


把兩端搓得尖尖的, 焗好後有更脆的口感.



本想180度焗成軟包, 但總有點傾向把麵包200度焗成硬包......分兩盤, 果然是末發酵時間短(30分鐘)的(後面沒洒粉的), 比末發酵時間長(前面洒了粉的)的oven spring更勁, 總之兩倍就好了.



手痕未止, 再來做一個直接法軟麥包(180度, 焗的時間短一些), 直接法, 是沒有那麼香, 但軟軟的, 又很吸引.



高粉 300g 全麥粉60g 鹽6g 速酵母4.5g 牛奶約200g 橙花蜜約 50g 橄欖油15-20g


乾料攪勻, 加入液體拌成團, 搓滑, 初發酵約1.5小時至極點. 排氣分割5份靜置15-20分, 造型, 末發酵約1小時至2~2.5倍(直徑約1.5~1.6倍), 入爐175-180度焗15~20分.



嗯.....今次包肉好像有點實, 下次將線性的膨脹倍數增加到1.5~1.6倍先


14 則留言:

  1. 嘩........好好味呀!!我成日都想用手搓包,但眼見部機又不自覺用了機來搓呀!!!
    [版主回覆03/08/2008 22:02:00]是很香的, 不過包殼真的很厚, 本來這是好的, 但近來真的做得太多硬包, 覺得真有點硬.........還是發酵不足???

    回覆刪除
  2. 我和家人都很喜愛吃有果仁的包包呢!我很想整,但可惜近來經常熱氣呀!唔敢整!
    [版主回覆03/08/2008 22:05:00]做些軟包先啦, 例如小圓餐包.....止口痕手痕.

    回覆刪除
  3. moon哥~ 每次看到你的包包, 都令我很想很想吃包包... 現在只能望梅止渴... 不! 望包止餓才對!!
    [版主回覆03/10/2008 08:01:00]hehe, 我的包包只係玩玩吓, 未做得很好的呢! 不過做包包又真係好好玩的.

    回覆刪除
  4. 我都覺得﹐如果包包發酵不足﹐硬不得只﹐仲好快老化﹗你點睇﹖
    [版主回覆03/10/2008 08:04:00]硬包老化的較快, 軟包, 今天扔軟的, 不過不夠鬆身, 可能麥包要發酵久一點吧, 呀我加了蜜糖, 發酵要更耐呢!

    回覆刪除
  5. 好多只眼望住我呀.....呢個做形有D似眼又有D似咀...呵呵.....!
    [版主回覆03/10/2008 08:05:00]咦又係, 我依家都覺得有點似大嘴巴 , 我劃痕時都唔覺的

    回覆刪除
  6. 真多謝你教曉我多角度 "欣賞" 包包,
    兩種發酵情況,  都可界得好, 你真勁, 下次可吾有界前后的相片教我看, 我的一界, 便泄氣的包, 激死!
    [版主回覆03/10/2008 09:11:00]其實我都係自娛. 我的界包技術, 只是小學生, 不是自謙呢, 界包其中一個理由是讓包包泄氣, 那可令oven spring更勁, 不過如果是泄得太勁, 可能是已經過度發酵, 或者麵團太軟呢!

    回覆刪除
  7. 你又做靚靚包包喇!!仲一次做咁多, 原來係有預備的!! 那剩下多少給自己做早餐呢???
    [版主回覆03/10/2008 09:13:00]今次的包包都好好香, 不過不夠鬆身. 每種包的發酵倍數, 都是不同的吧, 再實驗.
     
    包包還有一些, 今朝我都咬緊, 不過同野餐時吃, 感覺當然好不同呢!

    回覆刪除
  8. 好美味呢…做型很吸引!
    [版主回覆03/10/2008 09:16:00]都幾好味呀, 個尖尖特別脆的, 我不能吃太脆, 怕熱氣, 否則焗到有少少焦更好. 像hearth bageutte的.

    回覆刪除
  9. 好吸引呀!!!!我喜愛吃外皮脆脆的包包!
    [版主回覆03/10/2008 21:21:00]是老麵種做的, 高溫烤成厚皮的包,
    食譜就在
    http://hk.myblog.yahoo.com/amoon-littleworld/article?mid=7615
    阿堅的原網址"中種全麥包"怎也search不到呢.

    回覆刪除
  10. 我食過個軟麥包,燒熱食脆卜卜好好食阿
    [版主回覆03/10/2008 21:25:00]是吃過一次老友的蜜糖麥包, 那天想起, 自己隨手做出來的, 到了今天, 麵包仍是軟軟的. 只是搓的時候有點黏手.
     
    謝謝呀,  我還怕做得不好呢!
     
    食譜記出來, 妳又試吓啦

    回覆刪除
  11. 你哋個blog友仔近排都搓包包,我呢個包包粉絲見到流晒口水喇!
    A moon包包,靚到可以出去賣喇!
    [版主回覆03/11/2008 09:02:00]謝謝鼓勵, 不過這些包若拿去賣, 是會執笠的呀....
     
    還是留番自己早餐吧~

    回覆刪除
  12. 兩批不同時間焗,很好的示範! 果仁跟麥包,超夾!是我最愛!
    [版主回覆03/11/2008 12:34:00]麥味和果仁好夾, 原來麥味和蜜糖也好夾, 好像把麥味提升了似的.
     
    加了蜜的軟包, 到第三天了仍是軟的.
     
    怎是示範, 是"示玩"才對呢~ , 很隨便的

    回覆刪除
  13. 對不起, 我有些不明白, 面有粉及沒有粉的, 即分別是發酵了多久?  謝謝!
    [版主回覆03/17/2008 20:44:00]兩者初發酵約2小時, 末發酵只是30分鐘, 其實不太夠, 應是45-1小時, 好一點呢!

    回覆刪除
  14. A MOON, 可否比你呢個雜果仁麥包的recipe比我呀! 好似好好味咁, 好想試吓!! thx in advance! :)
    [版主回覆07/06/2008 21:53:00]hehe, 在上面第三行有個link按去的

    回覆刪除