2008年2月29日 星期五

三隻蛋

多數在街市買德國蛋做糕包, 質素不錯呀. 去年初, 是$1一隻, 去年下半年, 加到$1.2, 上星期事頭婆告訴我 : 下星期一要加到$1.5.........


誰說通脹是3-4%, 簡直是欺人太甚.



約束蛋(前面白色的一隻),   德國蛋(右邊),  美國AA級中型蛋(後面那隻)


--- 如果是用來做我最喜歡的煎太陽蛋, 我都會買$3一隻的日本北海道蛋約束蛋, 真是很鮮味呀! 可是近來已很少去西田, 不知現在加到怎樣?


--- 想改到百? 買蛋, 可是所謂美國AA級中型蛋, 好像有點營養不良, 也要$15多一打.......唉.


至於祖國蛋, 我冇買好耐了. 哎, 我希望街市的"德國蛋", 不是來自湖南的"德國"牌雞蛋


 


11 則留言:

  1. 傻瓜! "德國"牌雞蛋, 穿約束衣的雞蛋, 不如買惠康新鮮牌雞蛋
    [版主回覆02/29/2008 22:07:00]哈哈, 你怎知我的真實名字!!?
     
    唉, 超級市場的蛋, 真的不及好的雜貨店般, 有老闆打點, 真的有很多瑕疵.
     
    約束衣雞蛋 , 日本的雞蛋, 令人很安心的享受, 真好呀! (約束yakusoku, 是約章, 約定, 我想是那雞蛋農場參加了一些約章吧)真的很靚很鮮味的呀!

    回覆刪除
  2. 屋企附近檔碗仔翅,12月由10蚊加到11蚊,最近己經到12蚊! 哼!!
    [版主回覆02/29/2008 22:09:00]哎, 我吃開的快餐店"抵記", 也全面加價, 威乎叫它"唔抵記"

    回覆刪除
  3. 我直頭覺得係通漲20~30%呀.乜都貴, 豆漿由6元變8元, 下午茶由12元~15元, 益力多都由15.x ~19.00, 一丁面由2~3個幾......多到數唔晒, 就係人工無加過, 唔節衣縮食都唔得呀.
    [版主回覆02/29/2008 22:12:00]係呀, 很對, 豬肉, 蔬菜, 雞, 都加了數以10%計, 財爺派糖, 都係短期的治標不治本, 聽說香港的經濟好好好好, 我都感覺不到......

    回覆刪除
  4. 不過,有時連鎖超級市場也有些東西是幾抵的... 尋日, 我同老公發現了原來晌'實Y'買家庭用品比起晌P超級市場買價錢一般都要貴. 如一支臘水, '實Y'可以貴差不多15%!  我同老公話'實Y'應該改名做Pricewrong 或 Pricerise!
    [版主回覆03/01/2008 14:52:00]嗯, 有時這是大型超市的手法, 小減大加, 不過我沒有仔細格價, 不敢說實.......呀, 我買廁紙, 一定會幫趁小藥房, 一來一定平過超市, 二來也支持一下小商戶吧.

    回覆刪除
  5. 嘩!乜益力多都加咁多!唔明!點解?
    [版主回覆03/01/2008 14:56:00]係呀, 百?的美國大裝蛋, 竟賣到$23一打 , 質素比起$1.5的街市德國蛋差很多呢!
     
    今天我去了西田, 約束蛋只是由去年初的$18.5, 加到$19半打, 一於買番一打, 享受一下靚蛋, 和支持高質素貨品.

    回覆刪除
  6. Fatgarfield 肥加菲2008年3月1日 清晨6:50

    Inflation everywhere... sigh, it's horrible. The other day, read in the newspaper that bakeries are raising the price for their bread because flour is now more expensive. Then, you see the price of gaz... and here, they're planning to raise the fee for the Golden Gate Bridge toll too.
    [版主回覆03/01/2008 15:19:00]香港的通脹, 主要是因為美金不斷的貶值, 港元和美金掛, 在這幾年間, 對各種外幣貶值了十至幾十percent, 此外祖國自己也因內需強勁, 百物騰貴......
     
    至於澳紐美加, 對美金升值了不少, 但仍百物騰貴, 我也不知什麼原因呢!
     
    希望殊仔下台後, 會好一點......不知呢!?

    回覆刪除
  7. 吾淨只雞蛋﹑牛油﹑麵粉加價﹐這裡的學費﹑補習費﹑游泳課﹑學費係樣樣都加到齊。。。。。。。。怎麼辦﹖
    [版主回覆03/01/2008 15:22:00]妳那邊也是牙? 我妹在加拿大也是呀! 個個說經濟好, 但人工又不加, 物價猛加, 不知為何?

    回覆刪除
  8. 尋晚去sogo見到約束衣雞蛋, 仲係18蚊3隻啊, 快d去買啦
    [版主回覆03/01/2008 15:24:00]謝謝呀! 哈哈, 買了, 咦, 西田貴一蚊 ........算啦
    日本的物價算是穩定呢!

    回覆刪除
  9. 我呢頭無街市,無雜貨舖。無人打點的雞蛋,少一點眼力都會買次貨。最近後面村的百佳竟然有16個幾半打的日本雞蛋,好新鮮,蛋黃橙黃色的,少有的好貨式。
    [版主回覆03/01/2008 19:26:00]係啦, 我有一次很倒胃口的經驗, 在百?買了一盒蛋, 已經不有常見的破蛋, 又沒過期, 拿來做蛋糕, 打開其中一隻, 外表沒問題, 但殼的內側, 有幾點很小的黑點, 我也懷疑是霉點, 但算了, 照理焗了也沒問題...........結果我的雪芳蛋糕, 放了兩天, 蛋糕由裏到外都發了霉........唉!
    呀, 日本蛋, 蛋黃堅挺橙黃色, 是白殼的, 保證不是吃了染色飼料

    回覆刪除
  10. 係呀,煮野食好貴呀,麵粉加價連包都無得我整啦就快!
    人工又唔見佢加咁快!
    [版主回覆03/01/2008 19:29:00]係啦, 邊個仲話通脹率高企........有3-4%!!! 不要騙我們呀!!
     

    回覆刪除
  11. 係呀, 我呢邊D德國蛋賣到$1.3/隻呀, 但冇計, 質量好, 夠穩定, 如過冇貨先用美國蛋, 好在暫時未驗出有問題, 如果唔係, 我唸我都要轉用日本蛋喇.
    [版主回覆03/03/2008 13:56:00]妳也是用德國蛋! 質素真不錯呀! 我都係死死氣買的了.
     
    我這邊的街市特別貴, 冇計, 不是個個街市有售. 美國蛋其實我都有少少戒心, 因為聽說他們下荷爾蒙都很狠的.
     
    至於日本蛋, 約束蛋是最好最"便宜"的, 可是要等做最好的蛋糕或做菜吃.......不是等閒常吃........更不要說$30幾元半打的日本梅花蛋, 或澳洲有機蛋........還未有勇氣吃一次.

    回覆刪除