2007年5月19日 星期六

紅豆綠茶雪芳---另一個第一次徒手

今天有家庭聚會, 做個雪芳蛋糕吧, 也是自己貪玩......

不知為何, 做了個綠茶紅豆........紅豆香, 糖香,剛好配合綠茶的麥草氣味, 和蛋味又很和.

上次去京都, 為了體驗當地人生活, 到茨木市逛超市, 買了抹茶粉, 太太替我買了一罐日本糖煮紅豆粒, 超甜那種....

年多前做了一次綠茶雪芳, 那時, 還不敢把紅豆混入麵漿中, 今次, 來吧!

16.5cm模 : 蛋黃3, 植物油35g,綠茶(抹茶粉)5g+溫水55g, 糖煮紅豆100g, 低粉70g

                    蛋白4, 糖50g

1. 蛋黃座熱水打至像軟牛油, 加油打勻, 加入綠茶水打勻, 加入2/3低粉(我看到因麵漿已很杰)用打蛋拂拌勻, 加入紅豆, 用膠刮拌勻

2. 蛋白和糖打發如.......如下

3. 先將1/3蛋白霜加入蛋黃漿中輕手拌勻, 再先後加入餘下的麵粉和蛋白霜拌勻.

4. 入模, 入爐170度焗25-30分至糕面金啡收乾

5. 倒置待涼, 脫模了........拿起抆刀........又放下了.......

記起看過Angel的blog, Hallelujah YY Cake曾徒手脫模, 我看過書上說過, 一直不相信

http://hk.myblog.yahoo.com/angel-home/article?mid=1502

http://hk.myblog.yahoo.com/yypkknthn/article?mid=759&fid=29

心念一動, 來吧, 我的第一次, 徒手脫模!!! 慢幔的將蛋糕擠壓, 先讓它由邊緣脫離, 再到底部, 再到中筒, 又要溫柔, 又要用力, 又怕蛋糕經不起一擠, 從此不再脹大.....


最後, 成功了, 大聲歡呼, 太太沒我好氣:p

剩下15分鐘出門了, 還想試, 做個雪芳蛋糕獨有的casual裝飾......

打好純淡忌廉, 不加糖, 本來想做出流動的效果, 但我打忌廉的經驗不出5次, 只多了10秒, 全企身了......

超爛的技術, 可真夠casual.......加上櫻花乾裝飾, 又幾配合, 還有淡淡獨特的草香味......

家人真好, 吃飽了, 仍替我全吃了, 還說好吃呀, 媽媽說: 好叻呀仔, 最好味是那些淡忌廉.......

謝謝各位呀, 我會繼續玩的了


15 則留言:

  1. 你的綠茶紅豆好像咖啡豆豆,加了裝飾後....像搽了mask or "梯"鬚膏

    回覆刪除
  2. haha...果然係說謊(蛋糕)高手 我最近好想試做柚子蜜的說謊啊

    回覆刪除
  3. 我也曾做過這蛋糕, 不過都係胡亂做的, 份量又不準, 而家可以做個合格的了, 希望今日可以做番個好的.

    回覆刪除
  4. 你每次整雪芳都咁完美

    回覆刪除
  5. moon哥.. 真羨慕你次次整雪芳都咁靚呢~"~ 雪芳跟古古力是我的死敵><" 你幾時開班授徒啊?

    回覆刪除
  6. Fatgarfield 肥加菲2007年5月20日 上午11:05

    Oh! A decorated chiffon! It's like a chiffon with makeup that's going to a party!

    回覆刪除
  7. 小三: 今次的紅豆現成買, 貪佢易呢! 我的cream.......哈哈, 妳真細心, 我其實是拿錯了剃鬚膏 ......正試驗修改妳的版面問題呢! RAIN:  好呀好呀, 好耐冇做了, 柚子蜜是較易做的, 試吓啦, 試了請我眼睛吃. yc : 好呢好呢, 綠茶蛋糕也較易做的, 連加紅豆也不難呢! 我的食譜也是修修改改而成呢!

    回覆刪除
  8. 超讚呀﹗還加了裝飾,很利害呀﹗

    回覆刪除
  9. Angel, 謝謝妳的鼓勵呀, 我的技術......:p 還要多多多練習呢! 幾乎有大半年沒玩了, 家人一聽cream便跑掉呢! 我在做macaron呀, 全軍覆沒了, 再試, 遲些分享啦!

    回覆刪除
  10. 劉夫人: 那裏那裏, 近期的芝雪就失敗呢! 不過獨沽一味做得多, 近來水準是穩定了. KaKa : 那敢開班,  我也試剛熟手的玩家呢! 一起多研究啦, 不過邊失敗邊試, 倒是很有趣, 別灰心呀, 朱古力......我是連玩也未敢玩呢! Fatgarfield, 是家庭小聚會呢, 所以手痕, 不過做不出心目中的效果, 下次再玩, 其實好好玩呀!

    回覆刪除
  11. 哇!徒手脫模... 睇到我觸目驚心啊~

    回覆刪除
  12. 阿莉, 我也是一步一驚心, 不過試了呢次, 看來下次我再也忍不住手了......

    回覆刪除
  13. 好靚呀 !  徒手脫模唔怕按到雪芳變形嗎 ?

    回覆刪除
  14. Donald哥, 我初初都驚呀, 不過如果蛋糕完全成功, 完全涼下來, 下手不要太粗暴, 慢慢來, 是行的呢!

    回覆刪除
  15. 你好呀!!!偶爾在搜尋中發現你用我徒手方法做得好成功喎!!!你比我做得更好呀!!!係咪半信半疑的心情去動手做呢???成功的心情真係好難講出來,但真係會大叫出來嫁.

    回覆刪除