2007年4月29日 星期日

中筋粉雪芳蛋糕



加班完了, 今天可以放假了, 一早起床, 手痕痕, 試吓用中筋粉(plain flour or all-purpose flour, 10% protein)做雪芳蛋糕......為什麼用中筋粉? 因為想試囉, 不是每處地方也輕易買到低粉呢!

鮮橙咖啡雲石雪芳 - 雲石失敗了 ; 蛋糕成功了......

蛋黃-------3

蛋白-------4

中粉-------70g

油----------40g

糖----------60g

鹽----------少許(不要少看這少少鹽, 好吃好多呢!)

橙皮茸-----2

橙汁--------40g(記得隔掉橙渣呢, 否則它會令蛋糕有很多洞洞)

咖啡--------2tsp(用1tbsp暖水溶解)

想用咖啡做雲石效果, 不敢直接將咖啡液加入, 把它用少少麵漿或者蛋白霜調勻才加入, 結果根本混合得不好, 下次都是放膽一試了

第一個蛋糕, 用Goldmark Plain Flour---入爐了......升起的程度沒有用低筋粉那麼好, 但也算不錯.......

出爐了......收縮得剛好, 外表幾靚仔, 雲石紋就太頹哩, 算啦.......咦! 怎麼洞洞那麼大? 哎,可能是橙汁忘了隔去橙渣, 水份纖維搗蛋呢!.......

不過吃下,不粗呢, 很柔軟潤滑呢. 當然比起用低粉, 沒有那麼輕身和鬆發.

為了證實一下, 和滿足我的好奇心, 用澳洲White Wings再試......橙汁記得隔渣, 又加入10 cc橙酒......

靚仔呀!......除了雲石紋太"頹"

蛋糕真的細致了很多呢! 也頗鬆軟潤滑......到了不方便買到低粉的地方, 也不用太擔心呢!

星期日的午前, 真好


26 則留言:

  1. 真可惜!最近一兩個月才發現,美味DIY的留言板有你和一些Blog友珍貴的討論和食譜,最高興有很多我好喜歡的麵包貼文!只是有很多留言,一時不知何處讀起,決定就由你雪芳蛋糕那裡開始,看看這兩天能不能完成,再做一個試試!:) 你言兩個雪芳蛋糕,是不是第二個比較好?

    回覆刪除
  2. 好靚啊... 真是雪芳高手呢.. 雪芳跟我還是死敵呢~

    回覆刪除
  3. 睇完……有D心動聽日整雪芳蛋糕TIM 一直睇開你個BLOG 有好多雪芳新口味都好想整呢!

    回覆刪除
  4. 見到你的雪芳又使我心痒痒﹗

    回覆刪除
  5. 很有實驗精神,讚呀!

    回覆刪除
  6. Fatgarfield 肥加菲2007年4月30日 晚上10:38

    You really are a chiffon expert, no doubt about it! The marble effect in the first cake is not bad! You can see it well after cutting the cake up. Can you believe... I've been trying to get that Espresso instant coffee to bake with, but no one sells it here?! So strange.

    回覆刪除
  7. A moon:我倆有相同之處,就算失敗都沒有關係,當作一次經驗,從中學習再作改進。大家一起互勉。

    回覆刪除
  8. 睇落巳經覺得好鬆軟. 請問少許即係大慨幾多? 用E種 chiffon mud(甩底款)既話,個底要放牛油紙嗎? mud身要掃牛油上粉嗎? sorry, 太多問題 ^^" 因為我 之前未整過chiffon,所以想了解多一些 =] thanks

    回覆刪除
  9. Natalie, 是呀,DIY是我的做餅娘家, 現在雖然開了blog, 我都會把小作貼上去, 希望和更多餅友切蹉啦, 我好初階咖咋. 是, 第二個雪芳蛋糕, 記起橙汁要隔渣, 麵漿更幼滑, 升得更好呢!

    回覆刪除
  10. KaKa, 為什麼呀, 雪芳蛋糕, 是我一直的最好朋友呢, 無論令我成功還是失敗, 也只有她, 又方便, 又多變, 家人又最接受, 其他花款的, 會被投訴太肥呢!......也是自己好玩不好學!

    回覆刪除
  11. 小三, 嘻, 你又是小三......我雪芳蛋糕, 千變萬化, 自成一家呢, 它也算最清淡, 可做日常點心和早餐呀! 我所做的, 只是幾十款簡易中的最簡易呢! 試試.

    回覆刪除
  12. Angel, 一起試吓啦, 雪芳蛋糕總是令我著迷, 其他蛋糕我也有興趣呀, 但死心眼的我總是想做雪芳, 直至得心應手. 還有做包包, 我也嫌自己基本功夫不到家呢! 最衰一星期只可玩一次, 今個星期六應該可以玩了.

    回覆刪除
  13. 小生, 你的湯種無花果合桃提子裸麥包, 我也很想試呢!

    回覆刪除
  14. hehe  Fatgarfield, 我仍是半新手呢,只是死心眼的試試試, 試過一次個做了5次芝麻雪芳蛋糕的失敗紀錄, 哎, 別提了. 今天我又試了marble手法, 有進步了, 嘻, 在真真專案眼中, 只是小小小兒科, 早已不玩呢! 哎, 是呀, 香港也不易買到espresso coffee powder, 師友介紹我間中在Park'n有售, 我一見了, 搶購了兩大瓶, 可惜妳不在這邊......

    回覆刪除
  15. purpleirene, 對呀, 我們都是死心眼一族吧, 我太太也沒我好氣, 不過她很好, 總是讓我在廚房試. 哈哈, 妳的香橙雪芳蛋糕很成功呢! 是用KAI的鋁質雪芳蛋糕模嗎.....

    回覆刪除
  16. Rain 少許鹽, 大慨是1/4~1/5teaspoon吧, 好吃很多呢! 我的chiffon mold是16.5cm KAI 鋁質模, 是最正宗的(還有20cm), 用了幾個模, 覺得早該買這個 在citysuper和uny有售(現在改叫Apita,不知還有沒有) , 二百幾元, 用一世. 雪芳蛋糕不用牛油不用紙, 真好

    回覆刪除
  17. 你好有實驗的精神, 我往往會做一次就夠了.

    回覆刪除
  18. Yeah, 我將會用黎整Chiffon cake既 Mud 係喺Log-on買的,同你既一樣16.5 cm 鋁質模 (KAI). 好彩冇買到non-stick款既Chiffon cake 咋 ^^ 原來鋁質既係最正. 你的是可甩模底嗎? 就咁倒D料落去? 我怕會流出黎..... ? E個係我人生第一個Chiffon模,我會好好對佢 希望佢長命D thanks, A mum

    回覆刪除
  19. Rain 好呀好呀, 等你加入雪芳蛋糕行列. 甩底才可取出蛋糕呢! 也絕不會漏出麵漿的, 因為成功的麵漿是泡泡狀, 很輕身. 只是記得碰檯消泡時用姆指按住中筒, 就很安全了.

    回覆刪除
  20. A moon: 你打的蛋白霜好似幅藝術畫啊 ~ 每次見你焗的雪芳都咁金黃,希望我遲 d 都成功啦~ 唔知你自己最鍾意邊種味道的雪芳蛋糕呢?

    回覆刪除
  21. purple_purple 我是比較死心眼的, 但做實驗幾好玩, 滿足好奇心.

    回覆刪除
  22. 阿莉, 是呢, 我也不知原來很平凡的東西, 也可很漂亮呢. 焗雪芳蛋糕是要焗至金啡的, 但如果是小爐的話, 太快焦也要蓋錫子......當然大爐是最好啦, 我的是25L中型的. 我最喜歡的, 是小時候的記憶, 鮮橙蛋糕.

    回覆刪除
  23. smallcow, 妳都試吓玩啦!

    回覆刪除
  24. 請問你邊到買中筋粉呀!

    回覆刪除
  25. Forever Friend, Plain flour 或 all-purpose flour在一般超市也可買到呢!

    回覆刪除