2007年4月20日 星期五

櫻花之旅-3.食倒大阪(一)

關西人有一句諺語 : 京都着倒れ ; 大阪食倒れ (京都穿到窮, 大阪食到窮), 不過對於我, 什麼地方也是食倒れ!

Le Salon de Nina's

親愛的大阪, 我們來了, 首先一定會到Namba Park吃個下午茶, 可惜一直吃開的那間, 已取消了下午茶時間, 哎, 很失望呀!

去另一間 Le Salon De Nina's, 吃了個不錯的下午茶呢, 這店子最拿手是Mille Crepe(千層煎薄餅), 好味, 渴杯皇室奶茶 和一杯 Asaam紅茶......

再來個鮮茄意粉, 日本的意粉總是不會令人失望......

高島屋百貨公司

每個百貨公司的地下層, 通常都是一個超大的食品市場, 各種熟食, 新鮮食品, 和洋果子, 蛋糕甜品......哎, 是一個令人瘋狂的超級自助餐........限制的只是, 胃口和錢包

櫻花蝦天婦羅, 吉列豬扒, 鮮果蛋糕, 壽司盛合, 各式水果, 特式蛋糕.......是店子的十分之一吧, 不敢明目張膽的影呀!........那燒雪場蟹腳倒是在心齋橋"蟹道樂"的外賣檔呢.


因為剛吃了下午茶, 我們今次也很忍手了, 一盒大割引的壽司盛合, 粒粒好味呢!

這幾次都沒有幫趁心齋橋道頓崛的"蟹道樂"了, 倒是今次發現他開了一檔燒鱈場蟹腳外賣, 一試, 好好味呀, 蟹肉鮮甜肉厚, umai!!!

當然要留肚吃糕餅, 大阪的大師級餅店不多, 但百貨公司的名店也很高質素呀, 太太說, 又是gateau? 是呀, 一定要吃, 這塊是軟滑乾身的.

柑子蛋糕草莓卷.......蛋糕充滿柑子香味, 中間卷了大粒的士多啤利, 很清新芳香, 春天的氣息呀!

每次春天來日本, 都會大吃士多啤利, 比在香港買的日本士多啤利便宜很多, 今年的大都是九州產的, 甜是甜, 但自從三年前起, 她的甜美已大為遜色, 幾年了, 吃來吃去也吃不回當日令我驚喜的味道呢! .......很奇怪!

不過比起香港市面上的已是引死人了.


12 則留言:

  1. 哇~ 一早見到咁多好野食,搞到我流哂口水了  ~ d 壽司好正啊~ 士多啤梨又大又紅,好正啊~

    回覆刪除
  2. 第一張蛋糕相已經攪到我流哂口水喇.. ..日本美食..果然No.1..

    回覆刪除
  3. 我去到東京, 都係最鐘意行地下百貨食店...入面真係好多好多美食~ 仲要全部都係正貨!!! 我上次都有食士多啤梨啊~ 係HK食唔番咁好味!!!!

    回覆刪除
  4. 嘩..士多啤梨好靚仔呀!!其實香港不是找不到,不過不能在超市找到。我試過同哥哥一齊去粉嶺既士多啤梨園,又靚仔又甜,每一粒都係自己摘,一磅都係40蚊,諗起都留口水

    回覆刪除
  5. hehe, 真係吾好意思了阿莉, 令妳咁肚餓 我也邊post邊回味呀, 哎呀, 等我抹抹咀先

    回覆刪除
  6. smallcow, 這是我們到埗後的第一餐, 也是第一次吃這間餐聽, 是最開心的, 很有印象呀!

    回覆刪除
  7. smallcow, 這是我們到埗後的第一餐, 也是第一次吃這間餐聽, 是最開心的, 很有印象呀! 是呀, 日本的食品, 通常都令我很滿意呀, 價錢是比香港貴, 但比起歐洲澳洲, 又算不了什麼了, 物有所值!

    回覆刪除
  8. Vanlily, 係呀係呀,間直令人萬分雀躍呀,比去一間好餐廳更開心,士多啤利最好吃,但幾年前更好吃呢! 不過話得說回來,除了極貴的送禮水果,日本其他日常水果的選擇少得可憐......冇法啦,他們太保護自己的農民.

    回覆刪除
  9. 咦, Ling, 香港也有U-pick靚士多啤利園, 哎, 很想去吃個飽呀!

    回覆刪除
  10. 香港士多啤梨園的當這期是12月至4月喔..要明年才有靚靚士多啤梨吃

    回覆刪除
  11. 在日不不仇沒得吃,只怕胃納容不下﹗

    回覆刪除
  12.  Angel, 真是的, 日本的餐廳, 不只是食物質素, 他們的服務態度, 令人很舒服, 週到, 殷勤, 又不會騷擾, 更不會令妳受氣, 或者叫天不應, 還有是, 日本各行各業, 都是一yen貼士也不收的, 更不會有什麼加10%, 令人很安心.

    回覆刪除