2007年2月11日 星期日

年糕-一年的感恩



最新消息,昨天再做一底,

1. 是用阿爸給我的雜貨一斤裝無牌子黑蔗片糖,好香呀,又不太甜,我用了533g,太古蔗片糖冇得比.

2. 用老友給我的稻花糯米粉,好像很煙韌的,未收水,不知效果如可,好心急(最後消息:稻花粉效果較彈和煙韌;李祥和粉較實和爽)

3. 我用入爐不黏布蓋著蒸,令倒汗水不會滴入,一切都很好.

4. 那知我自恃夠水,看漏了一眼,蒸乾了水,幸好糕沒大礙,只是表面起了點小孔.....算啦,下次要金睛火眼.

5. 最後,那底燒乾了水的糕,是有一些瑕疵,有些孔孔和乾斑,但大部份都很好呢!(請看最下圖)

---------------------------------------------------------------------------------------------------

一年將盡,又是時候做一個年糕,為這一年而感恩.

切片煎香了,沾三四重蛋再煎,用老友送的招福貓貓茶具泡一壺茶,和太太一人一口......

我愛的,是純黑糖年糕,要硬硬的,這樣才夠香,煎起來軟滑而爽的老式年糕

是我小時候在小鎮吃的.媽媽說,她小時候在圍村的年糕,用大木盆盛著,大火蒸3日3夜,分給親友時,要用鐵線鋸的呢!

市面上軟軟的,椰汁的,又不香,又沒質感,煎起來撻成一塊,不太好吃.

今年,縱然發生了很多遺憾的事,和開心的事,總的來說,仍是值得感恩的.感謝上蒼.

去年第一次試做年糕,問老爸 : 份量是怎樣?

答:糯米粉一斤,要李祥和的,超市賣的不好(係!).....糖,要黑蔗片糖,一包減半磚(吓?咁即係幾多).......水,一兩碗啦,杰就加多點,稀就減少點(吓?咁即係幾多)......蒸個半至兩個半鐘啦(咁即係幾耐?)

結果,做出來的糕,外面很靚,裏面,是溏心的.......沒心機記下做法.

今年,唯有自己試用量:

糯米粉-------1斤(~600g,李祥和;泰國三象牌不好,會硬和不夠煙韌)

黑蔗片糖----450g~480g(我用太古黑蔗片糖,爸說不夠好,要用雜貨店子的~~~嗯)

水-------------430g~445g

先用水煮溶糖,待涼,快速拌入糯米粉(如拌得久一點或用力撻麵漿,年糕會較韌身).入16cm模或錫紙盤,蒸3小時.出爐後黏上紅棗瓜子裝飾;放置通爽地放3至4天,等它收水乾爽和不在黏身.


做出來也可以呀,稍嫌未夠甜,還有,應放置三四日讓年糕收水,令它乾爽和表面不再黏黏的.......

這是用剩的糕漿,多做兩個迷你板吧!

老友努力製作,伯母監製的中山蘿蔔糕,充滿蘿蔔.

伯母,吃了這蘿蔔糕,心裏祝福妳,身體安康,朋友,妳也要保重,下年再一起做蘿蔔糕給我們吃.

稻花牌糯米粉做的年糕,結實得來很煙韌,真不錯.謝謝老友.


19 則留言:

  1. Shirley,各位老友, 有年糕食喇,都唔錯呀!

    回覆刪除
  2. 重記得上年係美味diy見過你整的年糕,但在搜尋裏找不到。因在街賣的全部都不合心意,舊年食過美心的年糕,一點都不像媽媽以前整的,味道和口感都麻麻。好高慶你今年再整,重有埋有份量的食譜添。就咁睇年糕切片和煎出嚟的照片已很像。請問李祥和的糯米粉可在那裡買呢。

    回覆刪除
  3. moon哥...好得呀...你底年糕...... 我鍾意食好似你整到依d咁樣較實淨、望落去較硬身,但食落去就好軟屬嘅年糕...希望我都整到啦... 係啦...我想問係咪一般賣糧油雜貨嘅鋪頭都有得賣李祥和糯米粉呢?

    回覆刪除
  4. 旦丁   是呀,我自己也search不到呢!幸好今年再做,效果更好一點.開始像樣了,糖再多點點,水再少點點更好呢!不過太少水也不好,粉不夠水,反而結得不實呢!   李祥和糯米粉,我媽是在屋村的雜貨店買的. 有利食品廠有限公司監製, 大埔運頭街93號.   tel: 26532618/26512800

    回覆刪除
  5. 呀...唔記得問...我屋企有2包砂糖狀嘅太古黑蔗糖,並唔係片糖狀嘅,可唔可以用嚟整年糕呢? 仲有係咪用大火蒸呢?

    回覆刪除
  6. Shirley, 不是每間雜貨店都有呢,因為李祥和糯米粉稍貴價(也不過是10元8塊一斤),不是每家店子也入貨.......聽說"稻花"也不錯呢!如果沒有,三象牌也用住先啦(其實我沒有用過,只是爸媽說不好呢!) 黑砂糖是不行的呢!要黑蔗片糖.惠x超市有太古的出售,也可以的. 是呀,是大火蒸的呢!水沸後可轉中火,水保持沸騰就可以了.  

    回覆刪除
  7. 唔該晒A moon,我昨天問過2間比較大啲的什貨舖都話無,或者我會打電話問吓。我阿媽都有話稻花牌好,但係都係找不到。三象牌就到處都有。

    回覆刪除
  8. 明白啦...唔該晒moon哥...^_^

    回覆刪除
  9. 嘩吓﹗好似模似樣喎﹗過年可以去擺檔啦﹗

    回覆刪除
  10. 謝謝啦!  我唔會客氣的!  似乎星期天原來係蒸糕日

    回覆刪除
  11. A moon, 看見你的年糕,令我想起以前在圍村過年前,姨媽與村裡的人圍在一起整年糕角仔的情景,當時整的年糕是一大盆的,蒸熟攤涼後,每人切一份用紅紙包住拎回家的。

    回覆刪除
  12. 終於見翻似樣的年糕了﹗要好實,好實的。然後煎一煎,再上蛋再煎。小時候就是吃這種年糕的。很懷念呀﹗

    回覆刪除
  13. Angel,hehe,過譽了,我還要向我爸多偷師,練習多幾年......是呀,為什麼市面上一點也不賣這種又傳統,又耐放的年糕? Purpleirene,對呀,是用大木盆蒸呢!我在小鎮,街坊是用一個竹篾盆,墊上了竹葉,蒸好後黑黑實實,年初一二三,長輩煎來做早餐,真回味. 藍藍,今次只蒸了一底,下次蒸多點請妳吃啦^_^ 小六,吃番件啦,我都幾滿意呢^_^,第時失業也可擺檔......hehe Shirley,妳也試吓啦,比做蛋糕易呢,只是花很長時間蒸.

    回覆刪除
  14. 我昨日終於響旺角信興號買咗2包李祥和糯米粉,等陣再買埋黑蔗片糖,或者今晚會試吓整年糕,希望成功啦...^_^

    回覆刪除
  15. 好呀好呀Shirley,是旺角街市後面, 深圳街6號下(旺角地鐵站C4出口)的 新信興 嗎? 我總是拿我爸媽在隆亨村雜貨舖買的李祥和糯米粉和超香的一斤裝無牌子蔗片糖.

    回覆刪除
  16. moon哥...係呀,就係依間囉,不過我昨晚買嘢買得夜咗,返到屋企又攰,所以都未有時間整,時間無多啦,我今晚或明晚一定要動手架啦...

    回覆刪除
  17. moon哥...我昨晚終於整咗年糕啦,但唔知點解糕面好多氣洞,完全唔平滑,唔知係咪因為我用電動打蛋器打滑個麵糊時打得耐咗,但我只係打咗45秒,所以將過多空氣打咗入去,結果蒸嘅過程中氣泡全走出來所致? 我已將相post在我blog,有時間的話請你睇睇,並希望你能畀d意見我...thanks!

    回覆刪除
  18. Shirley, 去了兩天澳門.......今天才看到妳的留言:p 個糕的味道如何?香和實鄭嗎?這糕要煎軟才可顯出它的威力---軟而爽口,我煎吃了兩次啦! 個表面是醜了一點呢......唔.......好像我第二底,蒸乾了水,溫度太高,糕身開始沸騰一樣...... 我是用木勺和蛋拂攪粉,ok的,粉粒不久便溶掉了.沒有用打蛋機呢,可能真的打入了太多氣泡呢! 放一兩天,切來煎啦,告訴我味道啦.

    回覆刪除